Kisah Boko Rasul 8:17 - Porjanjian Boharu Torjomahan Baso Dilakng Soari-ari

¹⁷ Jadi Petrus ongko Yohanes molota'an jarinyo ko pucu' sia'. Watu nantai, hoyu' sia' monorima' Roh Allah.

Kisah Boko Rasul 8:17 ပူးပေါင်းရင်းမြစ်များ

Markus 5:23

Io muhun bondar ko Yesus. Katonyo, “Bopai, ana' botina'ku boponyakit, hampir matiam. Tulukng dataki, cama'nyo oca' io nyamanam ongko kinyo mati.”

Kisah Boko Rasul 13:3

Sia' somuo bopuaso huatan bodoa agi'. Sia' molota'an jari ko Barnabas ongko Saulus kapikng bodoa mominto potulukan Allah, ongko monyiuh sia' duo botula' molabuhan polayatan nantai.

Kisah Boko Rasul 19:6

Ongko, Paulus molota'an jarinyo ko pucu' sia'. Roh Allah turutn ko pucu' sia'. Sia' mula'i bopandir dalapm bomacapm baso inyo dionji'i Roh Allah. Momadahan boko posatn-pontal doi' Allah.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Kisah Boko Rasul 6:6

Tujuh urakng ni'in dibaba' ko boko rasul. Boko rasul bodoa kapikng molota'an jarinyo ko kotujuh urakng nantai. Nianam caro sia' disiuh pakai' molabuhan tugas nantai.

Kisah Boko Rasul 8:18

Simon nantai moniant obai Roh Allah dionji'i ko boko urakng nantai molalu'i boko rasul inyo molota'an jarinyo ko pucu' sia'. Jadi, io honda' moonji'i duit ko sia' duo,

Kisah Boko Rasul 9:17

Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”

Roma 1:11

Obai aku honda' bondar botomu agatn kaitn pakai' bobagi komampuan husus doi' Roh Allah oca' kaitn dikuatan.

1 Timotius 4:14

Ingantcam pado watu boko ponotua' molota'an jarinyo ko kopala' kolai. Pado watu nantai, ado inyo monyampaian posatn doi' Allah. Allah moonji'i komampuan husus ko kolai. Jangan botongga' monggunoan komampuan husus nantai.

1 Timotius 5:22

Jangan tolalu copat momilih urakng monjadi ponotua' lalu molota'an jari ko io pakai' monsahannyo. Aman ado urakng bukai bulah dosa, kolai pan jangan sonjumpat'an bulah dosa. Kolai gola' monjago diri oca' kolai hidup co bulah bodosa

2 Timotius 1:6

Obai nantai, aku moingant'an kolai pakai' bulah komampuan husus kolai oca'nyo bonyalo lobih honggur. Komampuan husus nantai boasal doi' Allah timpu aku molota'an jariku ko pucu' kopala' kolai.

Ibrani 6:2

ajaran mongona'i bomacapm baptisan, ajaran mongona'i molota'an jari ko urakng, ajaran obai boko urakng paca'an bobali' hidup agi' doi' komatian, huatan ajaran mongona'i hukupan inyo somanah-manahnyo.