Kisah Boko Rasul 8:14 - Porjanjian Boharu Torjomahan Baso Dilakng Soari-ari

¹⁴ Pontongahan nantai, boko rasul ija' ado di Yerusalem. Sia' mondinga' obai banya' urakng Samaria nantai udah pocayo borito doi' Allah mongona'i Yesus. Jadi sia' moutus Petrus ongko Yohanes ko su'utn.

Kisah Boko Rasul 8:14 ပူးပေါင်းရင်းမြစ်များ

Matius 13:23

Apo ado boko urakng monorima' Pomandiran Allah samo sama'an tanah inyo subur. Sia' mondinga'mo, lalu mongorotimo. Obai nantaiam, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Lukas 22:8

Jadi, Yesus monyiuh Petrus ongko Yohanes. Kato-Nyo, “Botula'cam momposiapan Poraya'an Paskah oca' kito makatn sosamo.”

Yohanes 12:48

Apo, pas ahir joman nononyo, somuo urakng inyo monula' Aku, somuo urakng inyo co mondinga' pomandiran-Ku, sia' paca'an dihukupm. Sia' paca'an dihukupm sosuai agatn ajaran inyo udah Aku sampaian. Pomandiran inyo Aku sampaian monjadi sama'an hakipm inyo mohukupm sia'

Kisah Boko Rasul 11:1

Boko rasul huatan boko urakng inyo pocayo di soluruh doerah Yudea nantai mondinga' borito mongona'i Petrus. Sia' mondinga' obai boko urakng inyo bukainyo urakng Yahudi udah pocayo Kabar Boi' doi' Allah mongona'i Yesus.

Kisah Boko Rasul 15:4

Lopas nantai, Paulus ongko Barnabas huatan kolompok urakng doi' Antiokhia tuntukng ko Yerusalem. Sia' duo ditorima' agatn boi' ulih somuo jomaat tomansu' boko ponotua' jomaat huatan boko rasul. Paulus ongko Barnabas mongisahan somuo inyo udah Allah labuhan dalapm polayatan sia' ko boko urakng bukainyo Yahudi.

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

1 Tesalonika 3:2

koi momutusan pakai' moutus somadikan koi, Timotius, ko kaitn. Timotius bokorojo samo agatn koi pakai' molayati Allah jam dalapm momboritoan Kabar Boi' mongona'i Kristus. Koi moutus io pakai' monguat'an hati kaitn oca' kaitn lobih kuat pocayo ko Yesus, huatan oca' io momadahi kaitn pakai' totap kuat timpu kaitn mohadapi ajab sonsaro.

2 Tesalonika 2:10

Io momakai somuo macapm caro inyo jahat pakai' monyosat'an boko urakng huatan paca'an bohasil mongontumbuki sia' inyo paca'an bonaso. Sia' kinyo paca'an disolamant'an obai sia' co honda' pocayo Kabar Boi' inyo bondar mongona'i Yesus.