Kisah Boko Rasul 8:12 - Porjanjian Boharu Torjomahan Baso Dilakng Soari-ari

¹² Apo Filipus momboritoan Kabar Boi' mongona'i Koraja'an Allah. Io momboritoan mongona'i kuaso Yesus sobagai Rajo Inyo Dijanjian Allah. Watu Filipus momboritoan somuo nantai, banya' urakng pocayo agatn borito nantai, boi' lolaki damo botina'. Ongko, Filipus mombaptis sia'.

Kisah Boko Rasul 8:12 ပူးပေါင်းရင်းမြစ်များ

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Roma 10:10

Obai agatn hatinyo urakng pocayo, lalu io monjadi bondar di pohadapan Allah. Urakng mongaku'i agatn mulutnyo lalu io disolamant'an.

1 Korintus 11:11

Biar pan Allah bulah botina' doi' lolaki, jangan jam tongkolupatn botina' inyo molahiran lolaki. Lolaki huatan botina' ongko somuo hal asalnyo doi' Allah. Jadi, dalapm pomandakan Tuhatn, co nyiant botina' aman co nyiant lolaki ongko co nyiant lolaki aman co nyiant botina'.

Kisah Boko Rasul 28:31

Io momboritoan mongona'i Koraja'an Allah. Io mongajar mongona'i Tuhatn Yesus, Rajo Inyo Dijanjian Allah nantai. Io momboritoan nantai agatn borani. Co nyiant inyo mohalaki io.

Kisah Boko Rasul 20:25

Aku udah tohu kaitn somuo co paca'an botomu agatn aku agi'. Apo aku udah moajaran ko kaitn somuo mongona'i Koraja'an Allah.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Kisah Boko Rasul 18:8

Banya' urakng di Korintus mondinga' ajaran Paulus ongko monjadi pocayo agatn Yesus, tomansu' Krispus, kopala' rumah sombayakng nantai huatan somuo urakng inyo tinggal dalapm rumahnyo. Somuo urakng pocayo nantai dibaptis jam.

Kisah Boko Rasul 11:20

Ado boboropo urakng doi' antaro sia' inyo boasal doi' Siprus huatan kota Kirene. Sia' botula' ko Antiokhia jam. Di su'utn, sia' momboritoan Kabar Boi', ia'an Yesus nantai Tuhatn inyo bokuaso di pucu' somuonyo. Apo sia' momboritoan ko boko urakng bukainyo Yahudi jam.

Kisah Boko Rasul 5:14

Jumlah urakng inyo pocayo ko Tuhatn Yesus mongkitn botambah, boi' lolaki damo pan botina'.

Lukas 9:60

Apo Yesus bopandir ko io, “Biaram boko urakng inyo mati socaro rohani inyo kinyo pocayo agatn Allah, momasar boko urakng inyo mati socaro jasmani. Apo kolai gola' botula', momboritoan mongonaꞌi Koraja'an Allah di mono-mono.”

Lukas 9:2

Lalu, Sio moutus sia' pakai' monyamani boko urakng ongko momboritoan kabar mongonaꞌi Koraja'an Allah.

Kisah Boko Rasul 8:4

Boko urakng pocayo inyo rari doi' kota Yerusalem nantai tosebar. Sia' momboritoan Kabar Boi' ko mono ja' sia' botula'.

Kisah Boko Rasul 19:5

Timpu sia' mondinga' hal nantai, sia' dibaptis pakai' monunju'an obai sia' pocayo agatn Tuhatn Yesus.