Kisah Boko Rasul 7:56 - Porjanjian Boharu Torjomahan Baso Dilakng Soari-ari

⁵⁶ Stefanus bopandir, “Tiat! Aku moniant langit tobuka'. Yesus Inyo Diutus Allah Pakai' Monjadi Monsio tongahan bodiritn di tompat inyo palikng tohormat di su'utn.”

Kisah Boko Rasul 7:56 ပူးပေါင်းရင်းမြစ်များ

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 11:19

Lalu, tobuka'am Rumah Allah di sorugo. Poti Pojanjian Allah ulih ditiat di dalapm Rumah Allah nantai. Lalu, ado solitar, saro guntur inyo borakng, gompa bumi huatan hujatn es inyo lobat.

Kisah Boko Rasul 10:11

Io moniant langit tobuka', ongko ado sosuatu sama'an solamba'i koitn inyo kotakan luar. Koitn nantai togantukng di koompat buncunyo, turutn doi' langit.

Matius 3:16

Lopas jadi dibaptis, Yesus hagar koluar doi' dalapm ara'i. Watu nantai jam, langit tobuka'. Yesus moniant Roh Allah turutn ko Io samo sama'an burukng daro.

Wahyu 4:1

Lopas nantai, aku ado poniant'an agi'. Wah, ado sobuah lawakng tobuka' di sorugo. Aku mondinga' saro nantai inyo samo sobolupmnyo, saro sama'an bunyi trompet. Kato-Nyo ko aku, “Noi' cam kosi'itn. Aku paca'an monunju'an ko kolai boko hal inyo paca'an tojadi lopas ni'in.”

Kisah Boko Rasul 10:16

Ni'in tojadi sobanya' tigo kali, hoyu' koitn nantai toangkat bobali' ko langit.

Yohanes 1:51

Lalu Yesus bopandir, “Bondar-bondar pocayo cam! Kaitn paca'an moniant langit tobuka', lalu boko molekat Allah turutn noi' ko ‘Ana' Monsio.’ ”

Lukas 3:21

Apo sobolupm Yohanes ditamoan ko dalapm ponjara, banyaꞌ urakng inyo datakng dibaptis. Sama'an nian jam Yesus datakng pakai' dibaptis. Watu Sio tongahan bodoa, langit tobuka',

Markus 1:10

Lopas jadi dibaptis, Yesus hagar koluar doi' ara'i. Timpu nantai jam, langit tobuka'. Yesus moniant Roh Allah turutn ko pucu'-Nyo samo sama'an burukng daro.

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Kisah Boko Rasul 7:57

Watu sia' mondinga' pomandiran Stefanus nantai, sia' monutup kolindakan kapikng mondorah, ongko sosamo monyorakng Stefanus.