Kisah Boko Rasul 7:55 - Porjanjian Boharu Torjomahan Baso Dilakng Soari-ari

⁵⁵ Apo watu nantai Roh Allah ado pado Stefanus. Io monongadah ko langit, moniant cohayo doi' Allah. Io moniant Yesus tongahan bodiritn di tompat inyo palikng tohormat, ia'an di sopia' kanan Allah.

Kisah Boko Rasul 7:55 ပူးပေါင်းရင်းမြစ်များ

Markus 16:19

Lopas Tuhatn Yesus momandiran nantai ko sia', Sio noi' ko sorugo. Di su'utn Sio dudu' momorintah di tompat inyo tohormat di sopia' kanan Allah.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

Kisah Boko Rasul 6:8

Nah, Stefanus, doi' kotujuh urakng inyo disiuh tontai, io dionji'i borokat agatn kuaso doi' Allah. Io ulih molabuhan boko mujisat dipohadapan boko urakng banya'.

Kisah Boko Rasul 6:5

Somuo urakng inyo hadir sotuju agatn usulan nantai. Sia' momilih Stefanus. (Io kotakan pocayo agatn Yesus. Roh Allah monguaso'i Stefanus jam). Sia' nantai jam momilih Filipus, Prokhorus, Nikanor, Timon, Parmenas, ongko Nikolaus. (Io doi' Antiokhia. Io bukainyo urakng Yahudi asli apo kalo tuyut agama Yahudi sobolupm io pocayo agatn Yesus.)

Ibrani 8:1

Inti doi' somuo inyo sampai dikisahan di si'itan: Kito ado Imam Agukng inyo sama'an dikisahan nantai. Sio dudu' di tompat inyo tohormat di sorugo, di sopia' kanan tahta Allah inyo kotakng bokuaso.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Yohanes 12:41

Yesaya bopandir sama'an nantai obai io udah moniant komulia'an Yesus. Ongko, io monulis mongona'i Yesus.

Kisah Boko Rasul 6:3

Jadi boko somadikan, pilihcam tujuh urakng doi' antaro kaitn. Kotujuh urakng nantai gola' dikonal sobagai urakng inyo pintar-corodi' agatn boi' hati. Roh Allah gola' ado pado sia' nantai jam. Koi paca'an monyorahan polayatan ni'in ko sia'. Sia' nanam inyo mombagian pomakatn sotiap arinyo.

Wahyu 21:11

Kota nantai bisi agatn komulia'an Allah. Randainyo samo sama'an batu pormato inyo kotakng boi', sama'an yaspis, putih torus samo sama'an kristal.

2 Petrus 1:17

Koi ado bosamo agatn Sio di pucu' bukit inyo suci. Watu Allah Bopai-Nyo mohormati ongko momuliaan Sio. Allah inyo kotakan Bokuaso mongatoan, “Ninam Ana'-Ku inyo Ku kasihi. Io monyonangan hati-Ku.” Koi siku' mondinga' saro Allah doi' sorugo nantai.

Kisah Boko Rasul 4:8

Lopas nian, Roh Allah monguaso'i Petrus. Kato io, “Boko Totuho pomimpitn banso huatan agama.

Yohanes 14:3

Lopas Aku botula' monyodia'an tompat pakai' kaitn, Aku paca'an bobali' agi' lalu mombaba' kaitn ko tompat nantai. Aku paca'an molabuhan nantai oca' di mono Aku ado, di santai jam kaitn ado.

Yohanes 11:41

Jadi, boko urakng momindahan batu nantai. Lopas jadi nantai Yesus monongadah ko langit. Kato-Nyo, “Torima' kasih, Bopai, obai Duatn udah mondinga'an Aku.