Kisah Boko Rasul 7:51 - Porjanjian Boharu Torjomahan Baso Dilakng Soari-ari

⁵¹ Ongko Stefanus bopandir, “Kaitn ni'in koras kopala'! Hati kaitn co honda' pocayo ko Allah! Kolindakan kaitn co honda' mondinga' pomandiran Sio! Kaitn hala molawatn Roh Allah sama'an ubo angki-bayatn kaitn!

Kisah Boko Rasul 7:51 ပူးပေါင်းရင်းမြစ်များ

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

Kisah Boko Rasul 7:27

Apo urakng inyo momantu kawalnyo nantai, monula'an Musa. Katonyo, ‘Duatn co bohak moatur ongko moadili koi!

Kisah Boko Rasul 7:35

Jadi Tuhatn Allah moutus Musa, inyo komai ditula' ulih urakng Israel. Watu nantai sia' bokato, ‘Kolai co bohak moatur ongko moadili koi?’ Apo malah io nanam inyo udah diutus Allah molalu'i molekat inyo monampa'an bukakng ko io di tongah rado momant nantai. Allah moutus io pakai' monjadi pomimpitn huatan ponyolamant.

Kisah Boko Rasul 7:39

Apo angki-bayatn kito co honda' taat agatn Musa. Sobali'nyo sia' monula' io. Hati sia' honda' bobali' ko Mesir.

Kisah Boko Rasul 7:9

Ana' Yakub inyo kosobolas bodamo Yusuf. Somuo poanci'annyo tungi agatn io. Jadi, sia' nantai monjual io ko podagakng. Podagakng nantai mombaba' io ko nogori Mesir. Yusuf monjadi hulutn di su'utn apo Allah hala molinduki io.

Roma 2:25

Aman kaitn monaati Hukupm Torat, jadi sunant kaitn ado gunonyo. Apo aman kaitn molanggar Hukupm Torat, jadi sunant kaitn pocumo aja'am.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

Kolose 2:11

Obai kaitn bosatu agatn Sio, ongko kaitn udah disunant. Aku kinyo bomasud sunant inyo dilabuhan monsio, apo sunant inyo dilabuhan Kristus. Ia'an, Sio bulah oca' kohonda' bodosa kinyo monguaso'i kaitn agi'.