Kisah Boko Rasul 7:37 - Porjanjian Boharu Torjomahan Baso Dilakng Soari-ari

³⁷ Musa ni'in jam inyo udah bopandir ko banso Israel, ‘Tuhatn Allah kito paca'an moutus siku' urakng doi' banso kito. Io paca'an monjadi Nabi samo ubo aku inyo monyampaian pomandiran Allah ko kaitn.’

Kisah Boko Rasul 7:37 ပူးပေါင်းရင်းမြစ်များ

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Markus 9:7

Lopas nantai, ado awatn datakng monungkau'i sia'. Ongko Allah bopandir doi' dalapm awatn nantai, “Ninam Ana'-Ku inyo kotakng kokidah Ku. Pondinga'ancam Io!”

Lukas 9:35

Allah bopandir doi' dalapm awatn nantai, “Ninam Ana'-Ku inyo Ku pilih. Dinga'an cam Pomandiran-Nyo!”

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Kisah Boko Rasul 7:38

Somanah angki-bayatn kito urakng Israel ado di padakng pasir, Musa ado bosamo sia'. Io monjadi porontaro pakai' sia' obai io monorima' pomandiran Allah doi' molekat di Gunung Sinai, ongko io monyampaian pomandiran Allah nantai ko sia'. Sampai ari ni'in pan pomandiran Allah nantai totap bolaku. Pomandiran Allah nantai monjolasan caro hidup inyo monyonangan Allah.