Kisah Boko Rasul 7:31 - Porjanjian Boharu Torjomahan Baso Dilakng Soari-ari

³¹ Musa kotakan hiratn obai api nantai kinyo moloburan rado momant. Musa mohampiki api nantai pakai' moniant lobih jolas. Watu nantai, io mondinga' saro Tuhatn Allah inyo bopandir,

Kisah Boko Rasul 7:31 ပူးပေါင်းရင်းမြစ်များ

Matius 8:10

Yesus hiratn mondinga' pomandiran powira nantai. Yesus bopandir ko sia' inyo tuyut Sio. Kato-Nyo, “Dinga'anbo, Aku bolupm kalo monomuan iman sobosar ni'in. Doi' banso-Ku urakng Israel, bolupm kalo ku tomu'i urakng inyo pocayo ko Allah samo sama'an powira Romawi ni'in.

Kisah Boko Rasul 7:30

Ompat puluh tohutn lopas nantai, pado suatu ari Musa ado di padakng pasir dampikng Gunung Sinai. Watu nantai, ado molekat monunju'an bukakngnyo ko io. Molekat nantai monyorupo'i api inyo bonyalo di rado momant.

Kisah Boko Rasul 7:32

‘Aku ninam Allah inyo disombah angki-bayatn kolai, ia'an Abrahapm, Ishak, ongko Yakub.’ Watu Musa mondinga' pomandiran nantai, io monjadi kotakan gola' sampai bogogora'. Io co borani moniant ko arah api nantai agi'.