Kisah Boko Rasul 7:30 - Porjanjian Boharu Torjomahan Baso Dilakng Soari-ari

³⁰ Ompat puluh tohutn lopas nantai, pado suatu ari Musa ado di padakng pasir dampikng Gunung Sinai. Watu nantai, ado molekat monunju'an bukakngnyo ko io. Molekat nantai monyorupo'i api inyo bonyalo di rado momant.

Kisah Boko Rasul 7:30 ပူးပေါင်းရင်းမြစ်များ

Kisah Boko Rasul 7:35

Jadi Tuhatn Allah moutus Musa, inyo komai ditula' ulih urakng Israel. Watu nantai sia' bokato, ‘Kolai co bohak moatur ongko moadili koi?’ Apo malah io nanam inyo udah diutus Allah molalu'i molekat inyo monampa'an bukakng ko io di tongah rado momant nantai. Allah moutus io pakai' monjadi pomimpitn huatan ponyolamant.

Kisah Boko Rasul 7:32

‘Aku ninam Allah inyo disombah angki-bayatn kolai, ia'an Abrahapm, Ishak, ongko Yakub.’ Watu Musa mondinga' pomandiran nantai, io monjadi kotakan gola' sampai bogogora'. Io co borani moniant ko arah api nantai agi'.

Kisah Boko Rasul 7:17

Jadi, angki-bayatn kito monjadi hulutn di Mesir. Apo watu ari inyo jouh sobolupmnyo, Allah udah bojanji agatn Abrahapm. Allah bojanji Sio paca'an mombaba' sia' koluar doi' tanah Mesir nantai. Jadi manah-komanahan, mongkitn dampikam watunyo nantai, jumlah urakng doi' banso kito di Mesir mongkitn botambah banya'.

Markus 12:26

Hal mongona'i boko urakng hidup agi' doi' komatian ado di dalapm Buku Suci inyo ditulis Musa. Watu Allah bopandir agatn Musa doi' dalapm rado momant inyo sama'an api bonyalo, Allah bopandir, ‘Aku ninam Allah inyo disombah Abrahapm, Ishak, ongko Yakub.’

Lukas 20:37

Nah, kaitn kinyo pocayo obai urakng tajahan hidup agi' lopas jadi mati di dunia ni'in. Padohal, Musa siku' udah monyatoan hal nantai agatn jolas. Io monulis mongonaꞌi watu Tuhatn Allah bopandir ko io doi' rampuan duri inyo bonyalo. Io monulisan obai Tuhatn Allah mongatoan diri-Nyo sobagai Allah inyo disombah Abrahapm, Allah inyo disombah Ishak, Allah inyo disombah Yakub.

Kisah Boko Rasul 7:31

Musa kotakan hiratn obai api nantai kinyo moloburan rado momant. Musa mohampiki api nantai pakai' moniant lobih jolas. Watu nantai, io mondinga' saro Tuhatn Allah inyo bopandir,