Kisah Boko Rasul 7:3 - Porjanjian Boharu Torjomahan Baso Dilakng Soari-ari

³ Allah bopandir ‘Tinggalan ja'am nogori kolai ni'in. Tinggalan ja'am koluarga bosar kolai, ongko botula' cam ko nogori inyo paca'an Aku tiat'an ko kolai.’

Kisah Boko Rasul 7:3 ပူးပေါင်းရင်းမြစ်များ

Matius 10:37

Sotiap urakng inyo mongasihi Bopai damo indainyo lobih daripado Aku, io kinyo cucu' monjadi pongikut-Ku. Ubo nian jam, sotiap urakng inyo mongasihi ana'nyo lolaki damo botina' lobih daripado Aku, io kinyo cucu' monjadi pongikut-Ku.

Lukas 14:33

Ubo nian jam agatn boko urakng inyo honda' monjadi murid-Ku. Io gola' bopikir soboi'-boi'nyo holu ai obai aman io honda' monjadi murid-Ku, io gola' moninggalan somuo umputnnyo.”

Kisah Boko Rasul 7:4

Jadi, Abrahapm moninggalan doerah Mesopotamia, tanah urakng Kasdim nantai ongko pindah ko kota Haran. Lopas bopainyo mati, Allah monyiuh Abrahapm pindah doi' su'utn ko nogori Israel ni'in, tompat kodiapan kito watu ni'in.

2 Korintus 6:17

Obai nantai am, Tuhatn Allah bopandir, “Koluar cam doi' boko urakng inyo kinyo pocayo agatn Aku. Songkayoan diri kaitn doi' sia'. Jangan moncama' boko hal inyo campah. Aman kaitn molabuhan boko porintah-Ku nantai, jadi Aku tajahan monorima' kaitn.

Ibrani 11:8

Obai Abrahapm pocayo, jadi io monaati Allah. Timpu nantai, Allah moningkau io botula' ko nogori inyo nononyo tajahan dionju' Allah ko io ongko koturutannyo. Abrahapm kinyo tohu tompat tujuannyo, apo io totap botula'.