Kisah Boko Rasul 6:8 - Porjanjian Boharu Torjomahan Baso Dilakng Soari-ari

⁸ Nah, Stefanus, doi' kotujuh urakng inyo disiuh tontai, io dionji'i borokat agatn kuaso doi' Allah. Io ulih molabuhan boko mujisat dipohadapan boko urakng banya'.

Kisah Boko Rasul 6:8 ပူးပေါင်းရင်းမြစ်များ

Yohanes 4:48

Kato Yesus ko io, “Kaitn bayo pocayo ko Aku aman kaitn moniant mujisat.”

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

Kisah Boko Rasul 6:15

Somuo urakng inyo dudu' di dalapm pokaro kolompok pomimpitn urakng Yahudi nantai moncorona'i Stefanus. Sia' moniant muhonyo bocohayo sama'an muho molekat.

Kisah Boko Rasul 6:3

Jadi boko somadikan, pilihcam tujuh urakng doi' antaro kaitn. Kotujuh urakng nantai gola' dikonal sobagai urakng inyo pintar-corodi' agatn boi' hati. Roh Allah gola' ado pado sia' nantai jam. Koi paca'an monyorahan polayatan ni'in ko sia'. Sia' nanam inyo mombagian pomakatn sotiap arinyo.

Kisah Boko Rasul 6:5

Somuo urakng inyo hadir sotuju agatn usulan nantai. Sia' momilih Stefanus. (Io kotakan pocayo agatn Yesus. Roh Allah monguaso'i Stefanus jam). Sia' nantai jam momilih Filipus, Prokhorus, Nikanor, Timon, Parmenas, ongko Nikolaus. (Io doi' Antiokhia. Io bukainyo urakng Yahudi asli apo kalo tuyut agama Yahudi sobolupm io pocayo agatn Yesus.)

Kisah Boko Rasul 7:55

Apo watu nantai Roh Allah ado pado Stefanus. Io monongadah ko langit, moniant cohayo doi' Allah. Io moniant Yesus tongahan bodiritn di tompat inyo palikng tohormat, ia'an di sopia' kanan Allah.

Kisah Boko Rasul 8:6

Filipus monyamani banya' urakng lumpuh huatan banya' urakng timpakng. Io pan monundukng boko roh jahat doi' banya' urakng. Boko roh jahat nantai koluar kapikng mondorah agatn saro kotakan borakng. Pondudu' kota nantai mondinga'an somombondarannyo ajaran Filipus, obai sia' moniant banya' mujisat inyo io labuhan.

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

1 Timotius 3:13

Obai urakng inyo molayati jomaat agatn boi' paca'an mongkitn dihormati. Sia' pan paca'an mongkitn borani momboritoan mongona'i kopocaya'an sia' ko Kristus Yesus.