Kisah Boko Rasul 6:13 - Porjanjian Boharu Torjomahan Baso Dilakng Soari-ari

¹³ Ongko sia' mombaba' boko sasi inyo mongatoan boko hal inyo kinyo bondar mongona'i io. Kato sia', “Io ni'in hala mohayam Rumah Allah inyo suci ni'in. Io pan hala mohayam Porintah Allah inyo ditulis Musa dalapm Hukupm Torat.

Kisah Boko Rasul 6:13 ပူးပေါင်းရင်းမြစ်များ

Matius 24:15

“Timpu joman komai Nabi Daniel bopandir mongona'i ‘ado siku' urakng jahat inyo mombonasoan.’ Urakng nantai paca'an bodiritn di tompat inyo suci. (Porotiancam oca' urakng inyo mombaco ni'in mongotohu'i rotinyo.) Yesus molajuan pandir-Nyo, Aman kaitn moniant pomandiran nabi Daniel nianan monjadi nyata,

Matius 26:59

Boko imam kopala' ongko somuo Majelis agama Yahudi, sia' bousaha goyap buti oca' Yesus ulih dihukupm mati. Jadi, sia' bogoyap boko urakng inyo paca'an moonji'i kosasian inyo kinyo bondar molawatn Yesus.

Kisah Boko Rasul 21:28

huatan mondorah, “Oi urakng Yahudi, tulukngbo! Ninam io inyo mongajar somuo urakng di mono-mono pakai' molawatn banso kito. Io mongajar urakng pakai' molawatn porintah huatan poraturan Allah inyo ditulis Musa dalapm buku Hukupm Torat. Io jam mongajar urakng pakai' co morogo'i Rumah Allah ni'in. Malahan timpu ni'in io udah bulah kotor socaro rohani tompat suci ni'in obai io mombaba' urakng bukai Yahudi ko si'itn.”

Kisah Boko Rasul 25:8

Lopas nian, Paulus mombela diri. Katonyo, “Aku co kalo molanggar boko poraturan urakng Yahudi inyo ditulis Musa dalapm Hukupm Torat. Aku co molanggar poraturan mongona'i Rumah Allah. Aku pan co molawatn Kaisar negara Roma.”

Kisah Boko Rasul 6:11

Jadi, sia' mohasut boboropo urakng oca' bulah tumbukan mongona'i Stefanus. Sia' disiuh mongatoan, “Koi mondinga' Stefanus mohanyam Musa huatan Allah.”

Kisah Boko Rasul 7:58

Sia' mondudus io koluar kota, ongko mula'i monikapi io agatn batu pakai' mombunuh io. Boko urakng inyo bosasi molawatn Stefanus nantai molopasan jubah sia'. Sia' moninggalan boko jubah nantai di kaki siku' urakng pomuda' oca' io monjago'inyo. Pomuda' nantai bodamo Saulus.

Ibrani 7:12

Aman kodudu'an boko imam borubah, jadi Hukupm Torat nantai gola' borubah jam.