Kisah Boko Rasul 6:12 - Porjanjian Boharu Torjomahan Baso Dilakng Soari-ari

¹² Jadi sia' bulah urakng banya' godi agatn Stefanus. Boko pomimpitn masrakat huatan boko guru Poraturan agama Yahudi jumpat godi jam. Sia' somuo monangkap Stefanus ongko mombaba' io ko kolompok pomimpitn agama Yahudi inyo kotakan pontikng.

Kisah Boko Rasul 6:12 ပူးပေါင်းရင်းမြစ်များ

Kisah Boko Rasul 14:2

Apo ado boko urakng Yahudi inyo kinyo pocayo. Sia' mohadu boko urakng bukainyo urakng Yahudi oca' kinyo pocayo jam. Jadi, boko urakng nantai kotakan godi agatn boko urakng inyo pocayo.

Matius 26:57

Timpu nantai, boko guru agama Yahudi ongko boko pomimpitn banso Yahudi udah bokumpul di rumah Kayafas, ia'an Imam Agukng; inyo kotakan tinggi jabatannyo. Boko urakng inyo monangkap Yesus mombaba'-Nyo ko rumah nantai.

Kisah Boko Rasul 21:27

Watu tujuh ari nantai hampir habisam, Paulus ado di tongahlamanan Rumah Allah. Ado boboropo urakng Yahudi doi' propinsi Asia moniant Paulus di santai. Obai nantai sia' mohadu urakng banya' pakai' monangkap Paulus

Kisah Boko Rasul 17:13

Apo boko urakng Yahudi di Tesalonika mondinga' mongona'i Paulus di Berea. Sia' mondinga' obai Paulus tongahan monyampaian borito doi' Allah mongona'i Yesus di kota nantai jam. Jadi, sia' pan botula' ko su'utn huatan monjahai'an Paulus.

Kisah Boko Rasul 13:50

Apo boko urakng Yahudi mohadu boko urakng pontikng di kota nantai, tomansu' boko botina' inyo bopongaruh udah mansu' agama Yahudi. Boko urakng pontikng nantai bulah urakng bukai mondorako'i Paulus ongko Barnabas. Koponsuahannyo, Paulus ongko Barnabas ditundukng doi' doerah nantai.

Kisah Boko Rasul 5:27

Sia' mombaba' boko rasul nantai mansu' pakai' mohadap boko pomimpitn nantai. Ongko Imam Agukng monuduh boko rasul nantai. Katonyo,

Kisah Boko Rasul 5:18

Jadi sia' monyiuh oca' boko rasul nantai ditangkap ongko dimansu'an ko dalapm ponjara umum.

Matius 5:22

Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

Lukas 20:1

Timpu ari bukainyo, di tongahlamanan Rumah Allah, Yesus mongajar huatan momboritoan Kabar Boi' mongonaꞌi Koraja'an Allah. Watu Sio mongajar, datakam boko imam kopala', boko guru Agama Yahudi huatan boko pomimpitn bukai doi' banso Yahudi.

Kisah Boko Rasul 6:11

Jadi, sia' mohasut boboropo urakng oca' bulah tumbukan mongona'i Stefanus. Sia' disiuh mongatoan, “Koi mondinga' Stefanus mohanyam Musa huatan Allah.”