Kisah Boko Rasul 6:11 - Porjanjian Boharu Torjomahan Baso Dilakng Soari-ari

¹¹ Jadi, sia' mohasut boboropo urakng oca' bulah tumbukan mongona'i Stefanus. Sia' disiuh mongatoan, “Koi mondinga' Stefanus mohanyam Musa huatan Allah.”

Kisah Boko Rasul 6:11 ပူးပေါင်းရင်းမြစ်များ

1 Timotius 1:13

Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

Roma 3:8

Hibo kito co bopandir aja', “Maracam kito bulah kojahatan oca' Allah kotakan dimuliaan.” Pasti ajaran nantai kotakan salah! (Memang ado urakng inyo monyebaran kisah tumbukan obai koi monyampaian ajaran inyo salah sama'an nantai. Nononyo pantas aja' Allah mohukupm boko urakng inyo tumbukan nantai.)

Kisah Boko Rasul 25:7

Lopas jadi Paulus dibaba' mansu' ko ruakan nantai, somuo urakng Yahudi inyo datakng doi' Yerusalem bodiritn mongoliliki io. Sia' moajuan banya' tuduhan inyo borat tohadap io. Apo sia' kinyo ulih mombutiannyo.

Kisah Boko Rasul 25:3

Sia' minto potulukan doi' gubernur Festus nantai. Sia' sangant muhun oca' Paulus dibaba' ko Yerusalem. Apo sia' ado hajat pakai' mombunuh Paulus di dalapm pojalatan.

Kisah Boko Rasul 21:28

huatan mondorah, “Oi urakng Yahudi, tulukngbo! Ninam io inyo mongajar somuo urakng di mono-mono pakai' molawatn banso kito. Io mongajar urakng pakai' molawatn porintah huatan poraturan Allah inyo ditulis Musa dalapm buku Hukupm Torat. Io jam mongajar urakng pakai' co morogo'i Rumah Allah ni'in. Malahan timpu ni'in io udah bulah kotor socaro rohani tompat suci ni'in obai io mombaba' urakng bukai Yahudi ko si'itn.”

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Kisah Boko Rasul 15:21

Soboi'nyo sia' disiuh monaati boko larakan nantai. Obai, tangga'i joman komai boko poraturan inyo ditulis Musa diboritoan di somuo kota. Sampai watu ni'in pan ija' dibacoan sotiap Ari Sabat di boko rumah sombayakng.”

Kisah Boko Rasul 6:13

Ongko sia' mombaba' boko sasi inyo mongatoan boko hal inyo kinyo bondar mongona'i io. Kato sia', “Io ni'in hala mohayam Rumah Allah inyo suci ni'in. Io pan hala mohayam Porintah Allah inyo ditulis Musa dalapm Hukupm Torat.

Yohanes 16:3

Sia' paca'an molabuhan boko nantai obai sia' kinyo mongonal Bopai boi' pan agatn Aku.

Yohanes 9:29

Koi tohu obai Allah udah bopandir ko Musa. Apo koi co tohu doi' mono asal Urakng nantai.”

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Kisah Boko Rasul 26:11

Aku pan opat mondorako'i sia' inyo kotomuanku dalapm boko rumah sombayakng. Aku bousaha momoso sia' pakai' co pocayo agi' agatn Yesus. Aku kotakan godi agatn sia' sampai aku monyasah sia'. Aku monyasah sia' ko boko kota bukai jam oca' aku dapat mondorako'i sia'.

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

Kisah Boko Rasul 6:12

Jadi sia' bulah urakng banya' godi agatn Stefanus. Boko pomimpitn masrakat huatan boko guru Poraturan agama Yahudi jumpat godi jam. Sia' somuo monangkap Stefanus ongko mombaba' io ko kolompok pomimpitn agama Yahudi inyo kotakan pontikng.