Kisah Boko Rasul 6:1 - Porjanjian Boharu Torjomahan Baso Dilakng Soari-ari

¹ Mongkitn manah, mongkitn banya' urakng Yahudi inyo pocayo agatn Yesus. Ado urakng Yahudi inyo pocayo agatn Yesus inyo bobaso Ibrani. Ado jam inyo bobaso Yunani. Inyo bobaso Yunani tungi obai inyo bobaso Ibrani mombagi'i pomakatn sotiap ari ko boko urakng botina' balu kinyo adil. Boko urakng balu inyo bobaso Yunani hala kinyo dionji'i.

Kisah Boko Rasul 6:1 ပူးပေါင်းရင်းမြစ်များ

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Kisah Boko Rasul 11:20

Ado boboropo urakng doi' antaro sia' inyo boasal doi' Siprus huatan kota Kirene. Sia' botula' ko Antiokhia jam. Di su'utn, sia' momboritoan Kabar Boi', ia'an Yesus nantai Tuhatn inyo bokuaso di pucu' somuonyo. Apo sia' momboritoan ko boko urakng bukainyo Yahudi jam.

Kisah Boko Rasul 11:26

Somanah sotohutn, sia' duo tinggal di su'utn. Sia' opat bokumpul bosamo agatn boko urakng inyo pocayo Yesus di su'utn. Sia' mongajar banya' urakng mongona'i Yesus Kristus. Di Antiokhia nam, boko urakng inyo pocayo Yesus mula'i disobut ‘Kristen’ pakai' potamo kalinyo.

Kisah Boko Rasul 11:29

Lopas jadi, mondinga' posatn nantai, somuo murid Yesus di Antiokhia momutusan pakai' monulukng boko somadikan nantai inyo tinggal di doerah Yudea. Sia' mongumpulan sumbakan. Sotiap urakng moonji'i sumbakan sobanya' mungkitn, sosuai agatn pongulihan siku'-monyiku'.

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Kisah Boko Rasul 2:45

Jadi opat ado doi' antaro sia' inyo monjual kodampuan umputnnyo. Hasil doi' ponjualan nantai, sia' pombagi-bagian ko boko urakng bukai inyo momontikan bantu'an.

Kisah Boko Rasul 2:47

kapikng momuji Allah. Somuo urakng sonang agatn sia'. Kolompok urakng inyo pocayo nantai botambah banya' obai sotiap ari ado boko urakng inyo disolamant'an Tuhatn.

Kisah Boko Rasul 4:35

ongko disorahan ko koduo bolas rasul. Duit nantai sia' pombagian ko urakng inyo momontikannyo.

Kisah Boko Rasul 4:4

Apo banya' urakng inyo udah mondinga' ajaran Petrus ongko Yohanes monjadi pocayo agatn Yesus. Jadi jumlah urakng pocayo monjadi kiro-kiro lima' ribu boko urakng bujakng bosar ongko boko urakng tuho lolaki.

Kisah Boko Rasul 5:14

Jumlah urakng inyo pocayo ko Tuhatn Yesus mongkitn botambah, boi' lolaki damo pan botina'.

Kisah Boko Rasul 5:28

“Koi udah morarakng kaitn agatn koras oca' kinyo dilabuhan agi' mongajar ajaran Urakng Nazaret nantai. Apo kaitn kinyo monuruti porintah nantai. Obai nantai, somuo urakng di Yerusalem udah mondinga' ajaran kaitn. Kaitn pan honda' monyalahan koi obai komatian Urakng Nazaret nantai.”

Kisah Boko Rasul 6:2

Obai nantai, koduo bolas rasul mongumpulan somuo urakng inyo pocayo agatn Yesus, ongko bopandir, “Koi gola' torus momboritoan Kabar Boi' mongona'i Yesus. Kinyo boi' aman koi moninggalan polayatan nantai pakai' urusan mombagian pomakatn sotiap arinyo.

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

Kisah Boko Rasul 9:29

Saulus opat jam botikakng agatn boko urakng agama Yahudi inyo bobaso Yunani. Apo sia' kinyo pocayo ko Yesus. Sia' bogoyap caro pakai' mombunuhnyo.

Kisah Boko Rasul 9:39

Jadi, Petrus lansukng tuyut sia'. Sampai di su'utn, Petrus dionju'an ko ruakan pucu' nantai. Somuo botina' balu bodiritn mongoliliki Petrus di santai. Kapikng monangis sia' moniant'an ko io boko baju huatan pakai'an bukai inyo dipulah Dorkas. Timpu Dorkas ija' hidup, io bulah somuo pakai'an nantai pakai' monulukng sia'.

Kisah Boko Rasul 9:41

Petrus mouluran longannyo, monulukng Tabita bodiritn. Lopas nian, Petrus moningkau somuo botina' balu huatan boko urakng bukai inyo pocayo Yesus. Io moniant'an ko sia' obai Tabita udah bobali' hidup doi' komatian.

Roma 12:7

Aman ado urakng inyo dionji'i komampuan husus pakai' molayati urakng bukai, io gola' molayati. Aman ado urakng inyo dionji'i komampuan husus pakai' mongajar, io gola' mongajar.

1 Korintus 10:10

Jangan kaitn botuta'-bomamai, sama'an boboropo doi' sia'. Lopas sia' botuta'-bomamai, Allah moutus molekat komatian pakai' mombonasoan sia'.

2 Korintus 11:22

Kata'an sia' momuji diri mongatoan obai sia' nam urakng asli Ibrani? Aku pan urakng asli Ibrani jam! Kata'an sia' doi' banso Israel ai? Aku pan doi' banso Israel jam! Kata'an sia' koturutan Abrahapm ai? Aku pan koturutan Abrahapm jam!

Filipi 3:5

Aku disunant watu ku lahir boumur kodolapatn ari. Aku urakng Israel doi' suku Benyamin. Aku bondar-bondar urakng Ibrani asli. Aman urakng bukai honda' momuji diri obai sia' mongotohu'i Hukupm Torat, aku doi' kolompok Farisi inyo mongotohu'i somuonyo.

1 Timotius 5:3

Hormaticam boko botina' balu inyo co nyiant koluarganyo pakai' monulukng sia'.

1 Timotius 5:9

Pulahcam daptar damo boko botina' balu inyo paca'an mondapat bantu'an doi' jomaat. Boko botina' balu nantai diharapan pakai' dilayati jomaat. Apo ado boboropo syarat: Sia' gola' boumur onam puluh tohutn ko pucu'. Sobolupm sia' monjadi botina' balu, sia' ongkah bolaki siku' mo.

Ibrani 13:1

Kaitn gola' totap hala mongasihi sobagai boko urakng inyo bosomadikan dalapm Tuhatn.

Yakobus 1:27

Apo ninam sombayakng inyo monyonangan Allah Bopai kito. Ia'an io borotian pondorita'an boko bobia' kumang ongko boko urakng balu janda, lalu monulukng sia'. Io pan monjago diri oca' boko hal jahat di dunia ni'in kinyo mompongaruhi io.

Yakobus 4:5

Hal nian sosuai agatn tulisan ni'in dalapm Buku Suci, “Allah mombulah Roh-Nyo bodiapm di dalapm diri kito. Roh Allah nantai monulukng oca' kito moncintai Sio lobih doi' kito moncintai boko hal bukai. Jangan kaitn bopikir tulisan nian co nyiant ado rotinyo.”

Yakobus 5:9

Boko somadikan, aman kaitn hala bosungunt huatan hala monyalahan, jadi kaitn paca'an dihukupm. Jadi, jangannam molabuhannyo nantai. Jangan sampai tongkolupatn, Sio inyo monjadi Hakipm somuo monsio paca'an oca' datakng.