Kisah Boko Rasul 5:33 - Porjanjian Boharu Torjomahan Baso Dilakng Soari-ari

³³ Timpu boko pomimpitn Yahudi mondinga' nantai, oso ditujah hati sia' sampai honda' mombunuh boko rasul nantai.

Kisah Boko Rasul 5:33 ပူးပေါင်းရင်းမြစ်များ

Matius 1:19

Apo Yusuf nantai ia'an urakng inyo boi' hati. Io pan co honda' momaluan Maria di hadapan urakng banya'. Obai nantai, io bopikir honda' mombalakan potunangannyo agatn Maria socaro bototapu'.

Matius 10:21

Paca'an tojadi obai boko urakng paca'an monyorahan boko somadikan sia' pakai' dibunuh. Paca'an ado boko Bopai inyo monyorahan boko poana'an sia' jam. Paca'an ado boko poana'an inyo molawatn monyorahan indai-bopai sia' pakai' dibunuh.

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 24:9

Lopas nantai boko urakng paca'an mondorako'i ongko mombunuh kaitn. Soluruh dunia paca'an bonci' agatn kaitn obai kaitn murid-Ku.

Lukas 20:19

Timpu nantai jam, boko guru Poraturan Agama Yahudi huatan boko imam kopala' honda' monangkap Sio obai sia' udah mongoroti masud doi' poumpamoan Yesus inyo monyalahan sia'. Apo culih sia' monangkap Sio watu nantai obai sia' gola' agatn urakng banya'.

Lukas 6:11

Moniant kojadian nantai boko guru agama Yahudi ongko urakng Farisi kotakan godi. Ongko sia' bohoupm la'apo inyo gola' sia' labuhan ko Yesus.

Yohanes 15:20

Ingantcam pomandiran-Ku ni'in ko kaitn komai: Siku' urakng hulutn kinyo lobih pontikng doi' habakngnyo. Aman sia' udah mondorako'i Aku, jadi sia' pan paca'an mondorako'i kaitn. Apo aman sia' monuruti pomandiran-Ku, jadi sia' pan paca'an monuruti pomandiran kaitn.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Kisah Boko Rasul 22:22

Urakng banya' nantai mondinga'an Paulus sampai io bopandir obai Tuhatn moutus io ko boko urakng inyo bukai Yahudi. Apo lopas nantai, sia' mondorah agatn kotakan borakng, “Bunuhcam urakng ni'in! Obai kinyo cucu' io hidup!”

Kisah Boko Rasul 7:54

Watu boko pomimpitn Yahudi mondinga' somuo nantai, sia' bokorit gigi kotakan godi.

Kisah Boko Rasul 9:23

Lopas watunyo udah cukup manah, boko urakng Yahudi inyo kinyo pocayo borito Saulus nantai bohajat pakai' mombunuh Saulus.