Kisah Boko Rasul 5:26 - Porjanjian Boharu Torjomahan Baso Dilakng Soari-ari

²⁶ Jadi, kopala' pongawal Rumah Allah bosamo agatn boko potugasnyo botula' ko su'utn. Sia' honda' mombaba' agi' boko rasul nantai. Apo sia' gola' agatn urakng banya' inyo tongahan mondinga' ajaran boko rasul nantai. Gola'nyo urakng banya' nantai godi ongko monikapm sia' agatn batu. Obai nantai, pongawal Rumah Allah bosamo boko potugasnyo mombaba' boko rasul nantai kinyo agatn kokorasan.

Kisah Boko Rasul 5:26 ပူးပေါင်းရင်းမြစ်များ

Matius 14:5

Sobondarnya Herodes honda' mombunuh Yohanes, apo io gola' agatn boko urakng. Obai, sia' moanggap Yohanes ia'an siku' nabi.

Matius 21:26

Apo aman kito bopandir, ‘Bayo monsio inyo’ moonji'i kuaso nantai ko io kito gola' agatn urakng banya' ni'in, obai sia' pocayo Yohanes ia'an nabi inyo dionji'i kuaso doi' Allah.”

Matius 26:5

Apo sia' bopandir, “Jangan kito cubo monangkap Yesus watu boko urakng morayaan Ari Rayo Paskah, obai nononyo paca'an bulah korusuhan di antaro rayat.”

Matius 26:58

Petrus mombodapan Sio doi' jouh. Sampai ko rumah nantai, Petrus mansu' ko tongah lamanan lalu dudu' bosamo agatn boko ponjago, oca' ulih mongotohu'i la'apo inyo paca'an tojadi agatn Yesus.

Lukas 20:19

Timpu nantai jam, boko guru Poraturan Agama Yahudi huatan boko imam kopala' honda' monangkap Sio obai sia' udah mongoroti masud doi' poumpamoan Yesus inyo monyalahan sia'. Apo culih sia' monangkap Sio watu nantai obai sia' gola' agatn urakng banya'.

Lukas 20:6

Apo aman kito bopandir, ‘Bayo monsio inyo moonji'i hak nantai ko Yohanes’ somuo urakng bukai di si'itn tajahan monikapi kito agatn batu sampai mati, obai sia' pocayo Yohanes nantai nabi inyo dionji'i hak doi' Allah.”

Lukas 22:2

Boko imam kopala' huatan boko guru agama Yahudi tongahan bogoyap caro pakai' mombunuh Yesus socaro bototapu'. Sia' gola' tajahan tojadi sosuatu hal aman ado banyaꞌ urakng watu sia' monangkap Sio.

Lukas 22:4

Obai nantai, Yudas botula' ongko bohoupm agatn boko imam kopala' huatan boko kopala' ponjago Rumah Allah mongonaꞌi samaꞌan apo io ulih monyorahan Yesus ko sia'.

Kisah Boko Rasul 4:21

Urakng banya' momuji Allah moniant mujisat nantai obai urakng nantai lumpuh doi' lahir apo udah boumur lobih doi' ompat puluh tohutn hoyu' dinyamani. Jadi, boko pomimpitn urakng Yahudi nantai co ulih monomuan caro pakai' mohukupm koduo rasul nantai agatn co bulah urakng banya' godi. Koponsuahannyo boko pomimpitn urakng Yahudi nantai mombebasan koduo rasul nantai, apo totap morarakng sia' agatn ancapan ni'in: oca' sia' jangan agi' momboritoan ko urakng bukai ajaran inyo jadi diajaran Yesus.

Kisah Boko Rasul 5:13

Boko urakng bukai inyo bolupm pocayo agatn Yesus kinyo borani bogabukng agatn sia', apo banya' urakng mohormati sia'.

Kisah Boko Rasul 5:22

Apo watu boko pojabat nantai datakng ko ponjara, boko rasul kinyo ado di su'utn. Jadi, sia' bobali' momadahan hal nantai. Kato sia',

Kisah Boko Rasul 5:24

Watu kopala' ponjago Rumah Allah agatn boko imam kopala' mondinga' nantai, sia' topocongo, botakutan la'apo inyo paca'an tojadi agatn kojadian nantai.

Kisah Boko Rasul 5:25

Lopas nantai ado urakng inyo mansu'. Katonyo, “Pombopaian! Ado boko urakng nantai inyo kaitn mansu'an ko dalapm ponjara somaman. Sia' tongahan bodiritn di tongahlamanan Rumah Allah mongajar urakng banya'.”