Kisah Boko Rasul 5:21 - Porjanjian Boharu Torjomahan Baso Dilakng Soari-ari

²¹ Jadi sunsukng pukau, boko rasul mansu' ko tongahlamanan Rumah Allah ongko mula'i mongajar urakng banya', sama'an inyo disiuh molekat tontai. Pontongahan nantai Imam Agukng agatn pokawalannyo mongumpulan boko pomimpitn banso Yahudi inyo kotakan pontikng. Sia' honda' moadoan pokaro. Lopas bokumpul, sia' monyiuh oca' boko rasul nantai dibaba' doi' ponjara.

Kisah Boko Rasul 5:21 ပူးပေါင်းရင်းမြစ်များ

Yohanes 8:2

Kosunsuknghobu'annyo, Sio botula' agi' ko tongahlamanan Rumah Allah. Boko urakng datakng ko Sio. Lalu, Yesus dudu' huatan mongajar sia'.

Kisah Boko Rasul 22:15

Hal nantai tojadi ko kolai oca' kolai monjadi sasi-Nyo. Kolai gola' momboritoan ko somuo urakng mongona'i somuo inyo udah kolai tiat ongko dinga'.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Kisah Boko Rasul 5:34

Apo ado siku' urakng doi' antaro kolompok pomimpitn nantai. Damonyo Gamaliel. Io nantai guru Poraturan agama Yahudi doi' kolompok urakng Farisi. Somuo urakng mohormati Io. Io bodiritn ongko monyiuh oca' boko rasul nantai dibaba' ko luar pakai' somontaro. Lopas nantai, io bopandir ko boko pomimpitn di su'utn.

Kisah Boko Rasul 5:27

Sia' mombaba' boko rasul nantai mansu' pakai' mohadap boko pomimpitn nantai. Ongko Imam Agukng monuduh boko rasul nantai. Katonyo,

Kisah Boko Rasul 5:17

Timpu nantai, ado Imam Agukng agatn boko pongikutnyo. Sia' boasal doi' pomimpitn agama Yahudi doi' kolompok Saduki. Sia' monjadi tungi obai banya' urakng pocayo Kabar Boi' mongona'i Yesus inyo disampaian boko rasul.

Yohanes 18:35

Kato Pilatus, “Aku bukainyo urakng Yahudi! Banso kolai siku' huatan boko imam kopala' inyo monyorahan kolai ko aku. Kosalahan lapo inyo udah kolai labuhan?”

Lukas 22:66

Pas sunsukng, ado potomuan kolompok pomimpitn agama Yahudi inyo kotakng pontikng. Boko imam kopala' huatan boko guru agama Yahudi ado di santai. Lalu Yesus dibaba' ko hadapan sia'.

Matius 5:22

Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Kisah Boko Rasul 22:5

Imam Agukng huatan somuo kolompok pomimpitn agama inyo kotakan bokuaso ulih momadahan obai hal nantai bondar. Obai aku mondapat'an boko surat doi' sia' inyo ditujuan ko boko pomimpitn boko rumah sombayakng agama Yahudi di kota Damsyik. Di kota nantai ado jam boko urakng inyo jumpat boko ajaran Tuhatn Yesus. Boko surat nantai moonji'i hak oca' aku ulih monangkap sia'. Hajatku honda' mombaba' sia' bobali' ko kota Yerusalem ni'in, oca' sia' dihukupm.