Kisah Boko Rasul 5:19 - Porjanjian Boharu Torjomahan Baso Dilakng Soari-ari

¹⁹ Apo pas malapm ari, ado molekat datakng mombuka' boko lawakng ponjara nantai ongko moirikan sia' ko luar. Kato molekat nantai,

Kisah Boko Rasul 5:19 ပူးပေါင်းရင်းမြစ်များ

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Matius 1:24

Pas, Yusuf huas tidu' lalu molabuhan la'apo inyo disiuh molekat Tuhatn nantai ko io. Io monguti' Maria monjadi bininyo.

Matius 2:13

Lopas jadi boko urakng majus nantai botula', molekat Tuhatn Allah datakng ko Yusuf dalapm mimpi. Molekat nantai bopandir, “Rajo Herodes paca'an monggoyapi Bobia' nantai oca' ulih mombunuh Sio. Jadi huascam, baba' Bobia' nantai agatn indai-Nyo pindah ko Mesir. Bodiapmcam di su'utn sampai Aku momandiran ko kolai pakai' bobali'.”

Matius 2:19

Yusuf ongko ana' bininyo ija' ado di nogori Mesir. Apo, lopas Rajo Herodes mati, molekat Tuhatn Allah moniant'an diri agi' ko Yusuf dalapm mimpi.

Matius 28:2

Ntobukan ado gompa bumi kotakng hebat obai ado siku' urakng molekat Tuhatn turutn doi' langit lalu monggulikan batu ponutup pasaran nantai. Molekat nantai dudu' di pucu' batu ponutupnyo.

Lukas 1:11

Ongko Zakharia moniant molekat Tuhatn. Molekat nantai bodiritn di sopia' kanan meja dohupo poncuculan sampu pangkukng.

Lukas 2:9

Sopongirap molekat Tuhatn moniant'an dirinyo ko sia', ongko cohayo torakng doi' Allah monoraki di sokitar sia'. Sia' kotakan gola'.

Kisah Boko Rasul 10:3

Pado suatu ari sokitar japm tigo babahari, Allah moutus molekat ko Kornelius. Kornelius moniant molekat nantai agatn jolas. Molekat nantai moningkau damonyo, “Kornelius!”

Kisah Boko Rasul 12:23

Herodes monjadi kotakan buhau huatan co mohormati Allah. Obai nantai, lansukng ado molekat doi' Allah inyo bulah io sakit kuat. Porutnyo dipua'i boko cacikng. Co manah lopas nantai, io mati.

Kisah Boko Rasul 16:26

Ntobukan ado gompa bumi. Gompa bumi nantai kotakan kuat sampai pondasi ponjara nantai toguyakng. Lansukng somuo lawakng ponjara nantai tobuka'. Sotiap rantai tolopas doi' somuo tahatan di santai.

Kisah Boko Rasul 27:23

Aku bopandir ubo nantai obai malapm mantai ado molekat datakng ko aku. Molekat nantai diutus Allahku, Allah inyo aku sombah, Allah inyo aku layati. Molekat doi' Allah nantai bodiritn di sopia' aku.

Kisah Boko Rasul 8:26

Pado suatu ari, Tuhatn monyiuh molekat monomu'i Filipus. Molekat nantai bopandir, “Bososiapcam! Botula' ko arah solatatn, ko jalatn inyo turutn doi' Yerusalem ko Gaza.” (Jalatn nantai molalu'i doerah inyo langunt.)