Kisah Boko Rasul 5:18 - Porjanjian Boharu Torjomahan Baso Dilakng Soari-ari

¹⁸ Jadi sia' monyiuh oca' boko rasul nantai ditangkap ongko dimansu'an ko dalapm ponjara umum.

Kisah Boko Rasul 5:18 ပူးပေါင်းရင်းမြစ်များ

Kisah Boko Rasul 4:3

Jadi boko pomimpitn monyiuh koduo rasul nantai ditangkap ongko dimansu'an ko dalapm ponjara. Obai ari udah malapm, sia' duo ditahatn di santai sampai kohobu'annyo.

2 Korintus 11:23

Kata'an sia' mongatoan obai sia' molayati Kristus ai? Aku molayati Kristus agatn lobih boi'! (Aku gogilo momuji diri ubo ni'inan!) Aku bokorojo molayati lobih koras doi' pado sia'. Aku kotakng opat dimansu'an ko dalapm ponjara obai momboritoan mongona'i Kristus. Aku kotakng opat dipantu', opat jam hampir mati.

Lukas 21:12

Apo, sobolupm somuo nantai tojadi, kaitn paca'an ditangkap ongko didorako'i obai kaitn nantai murid-Ku. Kaitn paca'an diadili di boko rumah sombayakng ongko ditamoan ko dalapm ponjara. Kaitn tajahan dibaba' ko boko rajo huatan ko boko ponguaso pakai' diadili jam.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Ibrani 11:36

Ado boko urakng inyo pocayo inyo dihanyam, dicambuk, dikobat agatn rantai ongko inyo ditamoan ko dalapm ponjara.

Matius 4:12

Lopas nantai, Yesus mondinga' obai Yohanes dimansu'an ko dalapm ponjara. Jadi, Yesus moninggalan doerah Yudea ongko bobali' ko doerah Galilea.