Kisah Boko Rasul 4:9 - Porjanjian Boharu Torjomahan Baso Dilakng Soari-ari

⁹ Ari ni'in koi duo diadili obai bulah koboi'an ko urakng lumpuh ni'in. Koi ditanyoi mongona'i kuaso doi' sopo inyo udah monyamani io.

Kisah Boko Rasul 4:9 ပူးပေါင်းရင်းမြစ်များ

Kisah Boko Rasul 3:7

Ongko Petrus moncanggapm longan kanan urakng lumpuh nantai. Petrus monulukng io bodiritn. Lansukng kakinyo monjadi kuat.

Yohanes 10:32

Apo Yesus bopandir ko sia', “Kaitn udah moniant Aku molabuhan banya' pokoroja'an boi' doi' Bopai-Ku. Doi' somuo pokoroja'an nantai, inyo buai mono bulah kaitn honda' monikapm Aku agatn batu?”

1 Petrus 4:14

Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.

Yohanes 7:23

Aman kaitn totap monyunant watu Ari Sabat, kaitn molabuhan nantai oca' kaitn co molanggar poraturan Musa nantai. Jadi, soharusnyo kaitn jangan godi agatn Aku pas Aku monyamani bukakng-tubuh siku' urakng watu Ari Sabat!

Kisah Boko Rasul 25:26

Aku gola' monulis surat mongona'i io ni'in ko rajo kito. Apo co nyiant alasan inyo mansu' akal pakai' aku tulis dalapm surat nantai. Monurut pondapat aku, kinyo boi' aman mombaba' siku' urakng tahatan ko rajo kito aman co monjolasan boko tuduhan tohadap io. Obai nantai, aku mohadapan io ko kaitn, toutamo ko duatn, Rajo Agripa. Aku boharap lopas io diporiso, aku ado alasan inyo jolas pakai' ku tulisan dalapm surat ko Kaisar kito di Roma.”