Kisah Boko Rasul 4:7 - Porjanjian Boharu Torjomahan Baso Dilakng Soari-ari

⁷ Somuo pomimpitn nantai monyiuh oca' Petrus agatn Yohanes dibaba' ongko bodiritn di hadapan sia'. Sia' monakutan, “La'apo inyo kaitn duo labuhan? Kaitn duo pakai kuaso sopo sampai urakng lumpuh nantai nyamanam?”

Kisah Boko Rasul 4:7 ပူးပေါင်းရင်းမြစ်များ

Matius 21:23

Lopas nantai, Yesus mansu' ko tongahlamanan Rumah Allah lalu mongajar di santai. Watu nantai, boko imam kopala' ongko boko pomimpitn banso Yahudi datakng ko Sio. Kato sia', “La'apo hak Duatn molabuhan nantai somuo? Sopo inyo moonji'i kuaso nantai ko Duatn?”

Markus 11:28

Sia' botakutn, “La'apo hak Kulo molabuhan somuo nantai? Sopo inyo moonji'i kuaso nantai ko Kulo?”

Kisah Boko Rasul 5:40

Sia' monyiuh oca' boko rasul nantai dibaba' bobali' mansu' ongko dipodularan. Lopas nantai, sia' morarakng boko rasul nantai pakai' moajaran ajaran inyo Yesus sampaian ko sia'. Ongko boko rasul nantai dilopasan.

Yohanes 2:18

Boko pomimpitn agama Yahudi inyo ado di santai molawatn Yesus. Kato sia', “Butianbo aman Duatn ado hak pakai' molabuhan hal inyo ubo hoyu' Duatn labuhan nantai. Cubo Duatn mombulah mujisat oca' ado tando pakai' koi!”

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Yohanes 8:9

Lopas sia' mondinga' pomandiran Yesus nantai, sia' botula' doi' siatn nantai, siku'-monyiku', mula'i doi' inyo totuho. Ahirnyo, ija' Yesus agatn botina' nantai cam inyo tinggal di santai.

Yohanes 8:3

Watu nantai, datakam boko guru agama Yahudi huatan boko pomimpitn agama Yahudi doi' kolompok Farisi. Sia' mombaba' siku' botina' inyo ditangkap obai io bomporajoan agatn lolaki bukai.

Kisah Boko Rasul 4:6

Imam Agukng datakng ko potomuan nantai jam. Damonyo Hanas. Ado jam boko urakng pontikng doi' koturutan Hanas nantai, tomansu' Kayafas, Yohanes, huatan Aleksander.

Kisah Boko Rasul 4:8

Lopas nian, Roh Allah monguaso'i Petrus. Kato io, “Boko Totuho pomimpitn banso huatan agama.