Kisah Boko Rasul 4:5 - Porjanjian Boharu Torjomahan Baso Dilakng Soari-ari

⁵ Kohobu'annyo, boko pomimpitn Yahudi inyo kotakan pontikng bokumpul di Yerusalem. Sia' moadoan potomuan pokaro. Ado boko pomimpitn agama, boko tokoh masrakat, bosamo boko guru Poraturan Agama Yahudi.

Kisah Boko Rasul 4:5 ပူးပေါင်းရင်းမြစ်များ

Markus 15:1

Kotakan sunsukng-pukau, somuo Mahkamah agama Yahudi bokumpul, tomansu' boko imam kopala', boko pomimpitn banso Yahudi huatan boko guru agama Yahudi. Sia' mombulah koputusan oca' Yesus dihukupm mati. Jadi, sia' mongobat jari Yesus momakai rantai lalu mombaba'-Nyo ko gubernur Pilatus. Timpu sia' monyorahan Yesus ko Pilatus,

Lukas 20:1

Timpu ari bukainyo, di tongahlamanan Rumah Allah, Yesus mongajar huatan momboritoan Kabar Boi' mongonaꞌi Koraja'an Allah. Watu Sio mongajar, datakam boko imam kopala', boko guru Agama Yahudi huatan boko pomimpitn bukai doi' banso Yahudi.

Lukas 22:66

Pas sunsukng, ado potomuan kolompok pomimpitn agama Yahudi inyo kotakng pontikng. Boko imam kopala' huatan boko guru agama Yahudi ado di santai. Lalu Yesus dibaba' ko hadapan sia'.

Lukas 23:13

Pilatus mongumpulan boko imam kopala', boko pomimpitn, ongko boko rayat,

Lukas 24:20

Apo boko imam kopala' huatan boko pomimpitn inyo bukai doi' banso kito udah monyorahan Sio ko gubernur pomorintah Romawi oca' dihukupm mati. Sia' momakuan Sio di kayu salib. Sio udah mati.

Kisah Boko Rasul 4:8

Lopas nian, Roh Allah monguaso'i Petrus. Kato io, “Boko Totuho pomimpitn banso huatan agama.

Kisah Boko Rasul 5:34

Apo ado siku' urakng doi' antaro kolompok pomimpitn nantai. Damonyo Gamaliel. Io nantai guru Poraturan agama Yahudi doi' kolompok urakng Farisi. Somuo urakng mohormati Io. Io bodiritn ongko monyiuh oca' boko rasul nantai dibaba' ko luar pakai' somontaro. Lopas nantai, io bopandir ko boko pomimpitn di su'utn.

Kisah Boko Rasul 6:12

Jadi sia' bulah urakng banya' godi agatn Stefanus. Boko pomimpitn masrakat huatan boko guru Poraturan agama Yahudi jumpat godi jam. Sia' somuo monangkap Stefanus ongko mombaba' io ko kolompok pomimpitn agama Yahudi inyo kotakan pontikng.