Kisah Boko Rasul 4:27 - Porjanjian Boharu Torjomahan Baso Dilakng Soari-ari

²⁷ Oh, Tuhatn! Tulisan Rajo Daud nantai udah monjadi nyata. Di kota Yerusalem ni'in Gubernur Herodes, Gubernur Pontius Pilatus, boko urakng bukai Yahudi bosamo agatn boko urakng Yahudi udah bogabukng molawatn Yesus. Sio nantai Hulutn Duatn inyo kinyo bodosa, ia'an Rajo Inyo Duatn janjian.

Kisah Boko Rasul 4:27 ပူးပေါင်းရင်းမြစ်များ

Matius 14:1

Timpu nantai, Herodes ia'an rajo di doerah Galilea. Io mondinga' boko borito mongona'i Yesus.

Matius 14:3

Cukup manah sobolupm nantai, Herodes bobini agatn Herodias, apo komainyo Herodias nantaiam bini somadikan Herodes, damonyo Filipus. Jadi, Yohanes opat monogur Herodes. Katonyo, “Kulo culih bobini agatn Herodias!” Obai nantai, Herodes monyiuh oca' Yohanes ditangkap, dikobat agatn rantai lalu dimansu'an ko dalapm ponjara.

Matius 14:6

Apo watu ari ulakng tohutn Herodes, ana' botina' Herodias bonari di hadapan boko urakng inyo hadir di pogai nantai. Tariannyo nantai kotakan monyonangan hati Herodes,

Matius 21:28

Lalu Yesus bopandir ko boko imam kopala' huatan ko boko totuho, “Ubo apo pondapat kaitn mongona'i kisah ni'in: Ado siku' urakng Bopai bisi duo urakng ana' lolaki. Bopainyo nantai monomu'i ana' inyo potamo lalu bopandir, ‘Ana'ku, botula'cam bokorojo di kobutn anggur sari ni'in.’

Matius 23:37

Lalu Yesus bopandir agatn salu', “Oi, boko urakng Yerusalem. Kaitn mombunuh boko nabi. Allah moutus boko urakng ko kaitn, apo kaitn monikapm sia' agatn batu sampai mati. Aku honda' hala molinduki kaitn, samo sama'an indai manu' inyo molinduki poana'annyo di babah sayapnyo. Apo, bolai' kaitn.

Matius 27:2

Sia' mongobat Sio, mombaba'-Nyo, lalu monyorahan-Nyo ko Pilatus, gubernur propinsi nantai.

Markus 10:33

Kato-Nyo, “Kito botula' ko Yerusalem watu ninam. Di su'utan, Ana' Monsio paca'an disorahan ko boko imam kopala' huatan ko boko guru agama Yahudi. Sia' paca'an mombulah koputusan obai Io gola' dihukupm mati. Lopasnyo sia' paca'an monyorahan Io ko boko urakng inyo bukainyo urakng Yahudi.

Markus 15:31

Ubo nian jam boko imam kopala' ongko boko guru agama Yahudi. Sia' mohanyam Yesus. Kato sia' ko siku'-monyiku', “Io monyolamant'an urakng bukai, apo culih-Nyo monyolamant'an diri siku'!

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 22:63

Boko urakng inyo tongahan monahan Yesus, mohayam Sio, momantu Sio.

Lukas 23:1

Somuo urakng dalapm potomuan nantai bodiritn, lalu mombaba' Yesus ko Pilatus, gubernur doerah Yudea.

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

Lukas 9:22

Yesus pan bopandir, “Ana' Monsio gola' ajab sonsaro. Io paca'an ditula' ulih boko pomimpitn banso kito, boko imam kopala', boko guru agama. Io paca'an dibunuh apo tigo ari lopas nian paca'an bobali' hidup agi'.”

Yohanes 1:11

Sio datakng ko banso-Nyo siku', ia'an banso Yahudi. Apo sia' kinyo pocayo agatn Sio.

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Yohanes 18:29

Obai nantai, gubernur Pilatus koluar monomu'i sia'. Io botakutn, “La'apo tuduhan kaitn ko Urakng ni'in?”

Yohanes 19:34

Apo ado projurit inyo monumba' porut Yesus. Darah agatn ara'i lansukng mongalir koluar.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 2:27

Aku mooso logo obai Duatn co paca'an mombiaran Aku totap mati. Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.

Kisah Boko Rasul 4:30

Pakaicam koi pan, Tuhatn, pakai' monyamani boko urakng sakit. Pakaicam koi pakai' bulah mujisat agatn kuaso Yesus, Hulutn Duatn inyo kinyo bodosa.”

Ibrani 7:26

Nantai am Imam Agukng inyo kito pontikan. Sio suci, kinyo kalo bulah dosa damo kosalahan. Sio disongkayoan doi' boko urakng bodosa huatan diangkat ko tompat inyo kotakng tinggi di sorugo.