Kisah Boko Rasul 4:2 - Porjanjian Boharu Torjomahan Baso Dilakng Soari-ari

² Boko pomimpitn nantai kotakan godi obai Petrus ongko Yohanes momboritoan mongona'i Yesus ko urakng banya'. Petrus ongko Yohanes mongajar ni'innan: obai Yesus udah hidup agi' doi' komatian, urakng inyo pocayo ko Yesus paca'an bobali' hidup doi' komatian jam. Monurut boko pomimpitn, ajaran nantai sangant salah.

Kisah Boko Rasul 4:2 ပူးပေါင်းရင်းမြစ်များ

Kisah Boko Rasul 17:18

Ongko boboropo urakng Yunani inyo pintar-corodi' nantai mula'i botikakng agatn io. Ado inyo doi' kolompok Epikuros. Ado jam doi' kolompok Stoa. Sobagi'an sia' bopandir mongona'i Paulus. Kato sia', “Pomandiran urakng budu nantai kinyo mansu' akal.” Apo inyo bukai bopandir, “Ruponyo io bopandir mongona'i boko duato inyo bolupm kito konal.” Sia' momandiran nantai obai Paulus momboritoan Kabar Boi' mongona'i Yesus huatan sama'an apo boko urakng ulih bobali' hidup doi' komatian.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

1 Korintus 15:23

Apo ado urutannyo. Potamo, Allah bulah Kristus bobali' hidup. Lopas nian, watu Kristus bobali' ko dunia ni'in, ongko Allah paca'an bulah boko urakng umputn Kristus bobali' hidup.

Kisah Boko Rasul 26:23

Rajo Inyo Dijanjian Allah gola' ajab sonsaro sampai mati. Apo sia' pan monulis jam obai Sio paca'an monjadi urakng potamo inyo bobali' hidup doi' komatian. Agatn caro nantai Sio ulih monjadi ubo torakng inyo monjolasan kohonda' Allah ko banso Yahudi huatan ko boko banso inyo bukainyo banso Yahudi.”

Kisah Boko Rasul 26:8

Boko urakng inyo monuduh aku, soharusnyo kaitn pocayo obai Allah bulah urakng bobali' hidup doi' komatian.

Kisah Boko Rasul 24:21

Aku bayo mongatoan sobuti' hal inyo mungkitn sia' anggap salah. Pado watu nantai, aku bodiritn di tongah-tongah sia' ongko mondorah, ‘Aku pocayo urakng paca'an bobali' hidup lopas jadi mati. Nanam alasan aku diadili ari ni'in!’ ”

Kisah Boko Rasul 19:23

Timpu nantai, ado boko urakng monontakng boko urakng inyo hidup sosuai agatn ajaran Tuhatn. Sia' bulah kokacauan bosar di kota Efesus nantai. Kokacauan nantai tojadi obai Demetrius

Kisah Boko Rasul 5:17

Timpu nantai, ado Imam Agukng agatn boko pongikutnyo. Sia' boasal doi' pomimpitn agama Yahudi doi' kolompok Saduki. Sia' monjadi tungi obai banya' urakng pocayo Kabar Boi' mongona'i Yesus inyo disampaian boko rasul.