Kisah Boko Rasul 4:14 - Porjanjian Boharu Torjomahan Baso Dilakng Soari-ari

¹⁴ Apo urakng inyo udah nyamanam nantai bodiritn bosamo Petrus ongko Yohanes. Obai nantai am, boko pomimpitn nantai kinyo dapat bopandir la'apo pan pakai' molawatn koduo rasul nantai.

Kisah Boko Rasul 4:14 ပူးပေါင်းရင်းမြစ်များ

Kisah Boko Rasul 19:36

Co nyiant urakng inyo ulih monikaki konyata'an nantai. Obai nantai, honda'nyo kito langunt. Jangan bulah kolaku'an ceroboh.

Kisah Boko Rasul 4:21

Urakng banya' momuji Allah moniant mujisat nantai obai urakng nantai lumpuh doi' lahir apo udah boumur lobih doi' ompat puluh tohutn hoyu' dinyamani. Jadi, boko pomimpitn urakng Yahudi nantai co ulih monomuan caro pakai' mohukupm koduo rasul nantai agatn co bulah urakng banya' godi. Koponsuahannyo boko pomimpitn urakng Yahudi nantai mombebasan koduo rasul nantai, apo totap morarakng sia' agatn ancapan ni'in: oca' sia' jangan agi' momboritoan ko urakng bukai ajaran inyo jadi diajaran Yesus.

Kisah Boko Rasul 4:16

Kato sia', “La'apo inyo paca'an kito labuhan ko sia' duo nantai? Somuo urakng di Yerusalem udah tohu sia' duo inyo molabuhan mujisat luar biaso nantai. Kito co dapat monyangkal hal nantai.

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Kisah Boko Rasul 4:13

Watu boko pomimpitn mondinga' rasul Petrus ongko rasul Yohanes bopandir agatn borani ubo nantai, sia' hiratn obai koduo rasul nantai bayo urakng biaso. Koduo rasul nantai kinyo bopondidikan. Boko pomimpitn nantai jam monyadari aman Petrus ongko Yohanes nantai murid Yesus.

Kisah Boko Rasul 4:15

Jadi sia' monyiuh oca' koduo rasul nantai dibaba' ko luar ruakan tompat potomuan nantai. Ongko, boko pomimpitn nantai bohoupm.