Kisah Boko Rasul 4:13 - Porjanjian Boharu Torjomahan Baso Dilakng Soari-ari

¹³ Watu boko pomimpitn mondinga' rasul Petrus ongko rasul Yohanes bopandir agatn borani ubo nantai, sia' hiratn obai koduo rasul nantai bayo urakng biaso. Koduo rasul nantai kinyo bopondidikan. Boko pomimpitn nantai jam monyadari aman Petrus ongko Yohanes nantai murid Yesus.

Kisah Boko Rasul 4:13 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 26:71

Lalu, io bojalatn ko pintu gerbakng tongah lamanan nantai. Siku' hulutn botina' inyo bukai moniantnyo. Kato hulutn nantai ko boko urakng inyo ado di santai, “Urakng ninam bosamo-samo agatn Yesus, urakng doi' Nazaret nantai.”

Matius 26:73

Co manah lopas nantai, boko urakng inyo ado di santai mohampiki Petrus. Kato sia', “Pasti kolai ni'in salah siku' urakng doi' sia', boko murid Urakng nantai doi' Galilea. Nantai nyata doi' logat baso kolai.”

Lukas 22:8

Jadi, Yesus monyiuh Petrus ongko Yohanes. Kato-Nyo, “Botula'cam momposiapan Poraya'an Paskah oca' kito makatn sosamo.”

Yohanes 19:26

Di dampikng indai Yesus ado murid inyo kotakng dikasihi Yesus. Pas Yesus moniant sia' duo, Sio bopandir ko indai-Nyo, “Indai, anggap ja'am io ana' duatn watu ni'in!”

Yohanes 7:15

Boko pomimpitn agama Yahudi hiratn bondar. Kato sia', “Ubo apo Urakng ni'in ulih tohu hala? Sio co jumpat sokolah husus Hukupm Torat.”

Yohanes 7:49

Apo urakng banya' ni'in inyo co mongonal Hukupm Torat, Allah paca'an mohukupm sia'!”

Kisah Boko Rasul 4:14

Apo urakng inyo udah nyamanam nantai bodiritn bosamo Petrus ongko Yohanes. Obai nantai am, boko pomimpitn nantai kinyo dapat bopandir la'apo pan pakai' molawatn koduo rasul nantai.

Kisah Boko Rasul 4:19

Apo Petrus ongko Yohanes monimbas, “Kaitn ja' inyo bopikir mono inyo bondar: Taat agatn Allah kata'an taat agatn kaitn!

Kisah Boko Rasul 4:29

Jadi ni'inan, Au Tuhatn, porotiancam ancapan sia' ko koi. Tulukngcam koi boko hulutn Duatn. Pulahcam koi borani pakai' momboritoan pomandiran Duatn, ia'an Borito Boi' mongona'i Yesus.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Kisah Boko Rasul 9:27

Apo Barnabas monulukng Saulus. Barnabas mongonalan io ko boko rasul. Barnabas mongisahan sama'an apo Saulus udah moniant Tuhatn Yesus dalapm pojalatan ko Damsyik. Barnabas pan momadahan ko sia' obai Tuhatn Yesus udah bopandir ko Saulus. Io pan monjolasan obai Saulus udah momboritoan mongona'i Yesus agatn borani di Damsyik.

Kisah Boko Rasul 9:28

Jadi, Saulus pan ngopal agatn sia' di Yerusalem. Di su'utn pan, Saulus hala momboritoan mongona'i Tuhatn Yesus agatn borani.

1 Korintus 1:27

Apo Allah totap momilih inyo dianggap budu monurut monsio. Sio molabuhan nantai pakai' bulah boko urakng pandai monjadi malu. Sio momilih inyo dianggap lomah pakai' bulah boko urakng bopongaruh monjadi malu.

1 Korintus 14:25

Obai kaitn monyampaian posatn-pontal doi' Allah, ongko somuo inyo dibumbutn dalapm hati urakng nantai paca'an dikotohu'i. Jadi, io paca'an moncungkukng huatan monyombah Allah kapikng mongatoan, “Allah bondar-bondar ado di tongah-tongah kaitn.”

2 Korintus 3:12

Obai koi yakitn moharap'an mongona'i hal nantai, jadi koi borani momboritoan mongona'i Pojanjian Boharu nantai.