Kisah Boko Rasul 3:7 - Porjanjian Boharu Torjomahan Baso Dilakng Soari-ari

⁷ Ongko Petrus moncanggapm longan kanan urakng lumpuh nantai. Petrus monulukng io bodiritn. Lansukng kakinyo monjadi kuat.

Kisah Boko Rasul 3:7 ပူးပေါင်းရင်းမြစ်များ

Markus 1:31

Yesus mohampikinyo, lalu moncama' longannyo, monulukngnyo angkat. Lansukng watu nantai, indai nantai nyamanam, lalu io mula'i molayati sia'.

Markus 5:41

Yesus moncanggapm longan bobia' nantai. Kato-Nyo, “Talita kum!” (Rotinyo, “Oi bobia' botina', Aku bopandir ko kolai, ‘Huascam!’ ”)

Markus 9:27

Apo Yesus moncanggapm longannyo, monulukng io angkat. Lopasnyo, bobia' nantai bodiritn.

Lukas 13:13

Lopas Yesus molota'an jari-Nyo, botina' nantai lansukng bodiritn tontakng boi' ongko momuji Allah.

Kisah Boko Rasul 3:6

Apo Petrus bopandir, “Aku co nyiant duit omas ongko pira' pakai' monulukng kolai. Apo ado caro bukai aku ulih monulukng kolai: Agatn kuaso Yesus Kristus, doi' laman Nazaret, bojalatncam!”

Kisah Boko Rasul 3:8

Io copat bodiritn ongko mula'i bojalatn konuang-konaing. Io tuyut Petrus huatan Yohanes mansu' ko tongahlamanan Rumah Allah kapikng bojalatn huatan morunjakng-runjakng kapikng momuji-muji Allah.

Kisah Boko Rasul 4:16

Kato sia', “La'apo inyo paca'an kito labuhan ko sia' duo nantai? Somuo urakng di Yerusalem udah tohu sia' duo inyo molabuhan mujisat luar biaso nantai. Kito co dapat monyangkal hal nantai.

Kisah Boko Rasul 4:9

Ari ni'in koi duo diadili obai bulah koboi'an ko urakng lumpuh ni'in. Koi ditanyoi mongona'i kuaso doi' sopo inyo udah monyamani io.

Kisah Boko Rasul 9:41

Petrus mouluran longannyo, monulukng Tabita bodiritn. Lopas nian, Petrus moningkau somuo botina' balu huatan boko urakng bukai inyo pocayo Yesus. Io moniant'an ko sia' obai Tabita udah bobali' hidup doi' komatian.