Kisah Boko Rasul 3:20 - Porjanjian Boharu Torjomahan Baso Dilakng Soari-ari

²⁰ Jadi Tuhatn paca'an moonji'i sonang-nyaman ko dalapm hati kaitn. Ongko pan, Allah paca'an moutus Yesus Kristus, inyo Allah udah tontuan doi' mulonyo pakai' kaitn.

Kisah Boko Rasul 3:20 ပူးပေါင်းရင်းမြစ်များ

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 24:3

Lopas nantai Yesus botula' ko bukit Jaitun. Boko murid-Nyo datakng honda' bopandir agatn Sio. Kato sia', “Tulukng padahan ko koi, sombilo somuonyo nantai paca'an tojadi. Boko tando la'apo inyo monunju'an watu Duatn datakng agi' ko dunia ni'in? Boko tando la'apo inyo monunju'an ahir joman?”

Markus 13:26

Timpu nantai, boko urakng tajahan moniant Ana' Monsio datakng di pucu' awatn. Io tajahan monunju'an kuaso huatan komulia'an-Nyo.

Lukas 19:11

Pontongahan Yesus bopandir agatn Zakheus, boko urakng banyaꞌ ija' mondingaꞌan Yesus. Obai Sio udah dampikng ko kota Yerusalem, ongko boko urakng monyangko Koraja'an Allah tajahan lansukng kotiat'an di dunia ni'in, ia'an sia' salah sangko huatan bopikir obai Allah tajahan lansukng momorintah sobagai Rajo di dunia. Jadi Yesus mongajar sia' agatn poumpamoan ni'in.

Lukas 21:27

Timpu nantai, urakng paca'an moniant Ana' Monsio paca'an datakng bobali' ko dunia ni'in, turutn doi' sorugo di pucu' awatn. Io paca'an bocohayo torakng. Io paca'an kotakan bokuaso.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 3:21

Apo Yesus gola' bodiapm di sorugo holu'ai. Sio paca'an datakng agi', watu Allah bulah dunia monjadi boharu. Allah udah bojanji mongona'i hal nantai. Janji-Nyo ditulis boko nabi-Nyo watu joman komai.

2 Tesalonika 2:2

oca' kaitn co bingung huatan tokonyant aman kaitn mondinga' borito obai Tuhatn udah datakng. Mungkitn ado urakng inyo mongatoan borito nantai doi' Allah damo mungkitn borito nantai doi' pomandiran damo doi' surat. Apotolagi' mungkitn borito nantai doi' koi.

2 Tesalonika 2:8

Hoyu' pado watu nantai Rajo inyo kotakng jahat nantai paca'an datakng. Apo, nono somuo kuasonyo paca'an dikalahan Yesus, Tuhatn di pucu' somuo hal. Yesus paca'an datakng agatn kuaso-Nyo. Yesus paca'an mombunuhnyo agatn pomandiran-Nyo mo.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

Wahyu 1:7

Porotiancam! Sio datakng di antaro boko awatn! Somuo urakng paca'an moniant Sio, tomansu' sia' inyo udah monuhu' Sio. Somuo banso di bumi paca'an monangis obai Sio. Au, pasti ni'in tajahan tojadi! Amin!