Kisah Boko Rasul 3:1 - Porjanjian Boharu Torjomahan Baso Dilakng Soari-ari

¹ Timpu japm tigo babahari, Petrus huatan Yohanes honda' tuyut sombayakng babahari. Jadi sia' duo botula' ko tongahlamanan Rumah Allah.

Kisah Boko Rasul 3:1 ပူးပေါင်းရင်းမြစ်များ

Kisah Boko Rasul 10:3

Pado suatu ari sokitar japm tigo babahari, Allah moutus molekat ko Kornelius. Kornelius moniant molekat nantai agatn jolas. Molekat nantai moningkau damonyo, “Kornelius!”

Kisah Boko Rasul 4:13

Watu boko pomimpitn mondinga' rasul Petrus ongko rasul Yohanes bopandir agatn borani ubo nantai, sia' hiratn obai koduo rasul nantai bayo urakng biaso. Koduo rasul nantai kinyo bopondidikan. Boko pomimpitn nantai jam monyadari aman Petrus ongko Yohanes nantai murid Yesus.

Lukas 1:10

Timpu io moncucul sampu pangkukng dohupo nantai, ado banyaꞌ urakng di luar tongahan bodoa.

Kisah Boko Rasul 5:25

Lopas nantai ado urakng inyo mansu'. Katonyo, “Pombopaian! Ado boko urakng nantai inyo kaitn mansu'an ko dalapm ponjara somaman. Sia' tongahan bodiritn di tongahlamanan Rumah Allah mongajar urakng banya'.”

Lukas 24:53

Sia' hala momuji-muji Allah di tongahlamanan Rumah Allah sotiap ari.

Kisah Boko Rasul 8:14

Pontongahan nantai, boko rasul ija' ado di Yerusalem. Sia' mondinga' obai banya' urakng Samaria nantai udah pocayo borito doi' Allah mongona'i Yesus. Jadi sia' moutus Petrus ongko Yohanes ko su'utn.

Kisah Boko Rasul 2:46

Sotiap ari sia' bokumpul di tongahlamanan Rumah Allah, pusat kogiatan koagamaan urakng Yahudi. Sia' bokumpul agatn sohati sopikiran. Sia' pan opat hala mohundakng pakai' makatn bosamo di boko rumah sia', huatan sia' morayaan Porjamuan Kudus jam. Sia' molabuhan somuo nantai agatn tulus hati huatan kotakan rindakng,

Yohanes 21:7

Murid inyo dikasihi Yesus nantai bopandir ko Petrus, “Nantai Tuhatn!” Pas Petrus mondinga' nantai, io mongona'an pakai'annyo obai tontainyo io co bopakaian. Lalu, io torojutn ko ara'i, bononang ko pantai.

Lukas 22:8

Jadi, Yesus monyiuh Petrus ongko Yohanes. Kato-Nyo, “Botula'cam momposiapan Poraya'an Paskah oca' kito makatn sosamo.”

Matius 26:37

Sio mombaba' Petrus ongko koduo ana' Zebedeus bosamo agatn-Nyo. Watu nantai, Yesus mula'i mooso kotakan salu' ongko golisah.

Matius 17:1

Onam ari lopas nantai, Yesus noi' ko sobuah bukit inyo tinggi. Sio bayo mombaba' Petrus, Yakobus ongko Yohanes somadikan Yakobus oca' sia' sonsiku'an bosamo agatn Sio di su'utn.

Kisah Boko Rasul 10:30

Kornelius monimbas, “Sokomai, aku ado di rumah. Timpu inyo samo sama'an ni'in jam, japm tigo babahari, aku tongahan bodoa. Sopongirap ado molekat bodiritn di pohadapanku. Pakai'annyo bocohayo.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

Matius 27:45

Watu japm duo bolas tongah ari, soluruh doerah nantai potakng-kabut sampai japm tigo babahari.

Lukas 18:10

“Ado duo urakng inyo botula' ko Rumah Allah pakai' bodoa; siku' urakng pomimpitn agama Yahudi doi' kolompok Farisi huatan siku' urakng ponagih pajak.

Kisah Boko Rasul 3:3

Pas io moniant Petrus ongko Yohanes, io mominto-minto doi' sia' jam.

Kisah Boko Rasul 3:4

Sia' moncorona'i urakng lumpuh nantai ongko Petrus bopandir, “Tiatbo koi.”