Kisah Boko Rasul 28:8 - Porjanjian Boharu Torjomahan Baso Dilakng Soari-ari

⁸ Watu nantai, bopainyo Publius tongahan gorikng huatan podih porut. Io monggarikng di kotidu'annyo ja'am. Jadi, Paulus mohampiki io. Paulus bodoa kapikng molota'an jarinyo ko io. Watu nantai jam urakng nantai dinyamani.

Kisah Boko Rasul 28:8 ပူးပေါင်းရင်းမြစ်များ

Matius 10:1

Yesus moningkau koduo bolas murid-Nyo pakai' bokumpul. Ongko, Sio moonji'i ko sia' kuaso pakai' monundukng boko roh jahat huatan monyamani bomacapm ponyakit.

Matius 10:8

Nyamanicam urakng sakit. Pulahcam urakng mati bobali' hidup. Nyamanicam urakng inyo boponyakit kulit inyo bogola'i. Tundukngcam boko roh jahat. Kaitn udah monorima' borokat apo co bobayar. Ongko kaitn pan gola' moonji'i ko urakng bukai agatn co dibayar.

Matius 12:13

Ongko, kato Sio ko urakng inyo longannyo mati sopia' nantai, “Uluran longan kolai!” Timpu urakng nantai mouluran longannyo, io nyamanam. Longannyo monjadi sehat samo agatn longan inyo sopia'nyo.

Matius 9:18

Pontongahan Yesus bopandir ko boko murid Yohanes Pombaptis nantai, ado siku' urakng kopala' rumah sombayakng datakng ko Sio. Io tundu' monyungkapan di hadapan Yesus. Katonyo, “Ana' botina'ku hoyu' ja' mati. Apo datakng bo. Cama' bo io, ongko io paca'an bobali' hidup.”

Markus 16:18

Aman sia' moncanggapm ular damo minum racutn, sia' kinyo paca'an dapat bonaso. Aman sia' molota'an jarinyo ko urakng sakit, lalu urakng nantai pan paca'an nyamanam.”

Markus 5:23

Io muhun bondar ko Yesus. Katonyo, “Bopai, ana' botina'ku boponyakit, hampir matiam. Tulukng dataki, cama'nyo oca' io nyamanam ongko kinyo mati.”

Markus 6:5

Yesus kinyo ulih bulah mujisat di santai, ongkah monyamani boboropo urakng boponyakit agatn molota'an jari-Nyo ko sia'.

Markus 7:32

Di santai, ado urakng inyo tingal ongko angko. Boko urakng mombaba' io ko Yesus lalu momuhun oca' Yesus molota'an jari-Nyo ko urakng nantai pakai' monyamani io.

Lukas 13:13

Lopas Yesus molota'an jari-Nyo, botina' nantai lansukng bodiritn tontakng boi' ongko momuji Allah.

Lukas 4:40

Watu matoari honda' tonggolapam, boko urakng mombaba' somuo boko urakng boponyakit ko Yesus. Sia' mondorita' obai bomacapm ponyakit. Yesus molota'an jari-Nyo ko bukakng sia' huatan monyamani sia'.

Kisah Boko Rasul 28:7

Kinyo jouh doi' tompat nantai, ado tanah umputn Publius. Io nantai gubernur pulau nantai. Io monorima' koi agatn boi'. Koi monoluntukng di rumahnyo somanah tigo ari.

Kisah Boko Rasul 28:9

Lopas nantai, somuo urakng bukai inyo boponyakit di pulau nantai datakng ko Paulus. Somuo sia' dinyamani jam.

Kisah Boko Rasul 9:40

Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

1 Korintus 12:9

Ko urakng bukainyo agi', Roh Allah inyo samo nantai moonji'i komampuan pakai' pocayo ko Yesus agatn kotakng kuat. Ko urakng bukainyo agi', Roh Allah inyo samo nantai moonji'i komampuan pakai' monyamani.