Kisah Boko Rasul 28:4 - Porjanjian Boharu Torjomahan Baso Dilakng Soari-ari

⁴ Ular nantai totap botangkil di longan Paulus. Watu boko urakng moniant nantai, sia' bopandir ko siku'-monyiku', “Pasti urakng ni'in siku' urakng pombunuh. Io udah solamant doi' bonakau. Apo duato Koadilan totap honda' mohukupm mati io.”

Kisah Boko Rasul 28:4 ပူးပေါင်းရင်းမြစ်များ

Matius 23:35

Obai nantaiam, kaitn paca'an monanggukng hukupan obai pombunuhan somuo urakng inyo co nyiant kosalahannyo, mula'i doi' pombunuhan Habel sampai ko pombunuhan nabi Zakharia, ana' Berekhya. Obai kaitn siku' udah mombunuh nabi Zakharia di antaro mesbah huatan Rumah Allah.

Matius 27:25

Timbas somuo urakng banya' nantai, “Biaram koi huatan boko bobia' koi botanggukng jawab mongona'i komatian-Nyo!”

Lukas 13:2

Mondingaꞌ borito nantai, Yesus bopandir ko sia', “Kaitn jangan bopikir boko urakng Galilea dibunuh agatn kojapm ubo nantai obai sia' lobih bodosa doi' somuo urakng bukai di Galilea.

Lukas 13:4

Sama'an nian jam borito mongonaꞌi dolapatn bolas urakng inyo mati watu monara Siloam di kota Yerusalem robah moninggakng sia'. Jangan bopikir nian tojadi ko sia' obai sia' lobih bodosa doi' boko urakng bukai di kota Yerusalem.

Yohanes 7:24

Jangan mohakipi monurut inyo kotiat'an, apo monurut inyo bondar.”

Kisah Boko Rasul 28:2

Sia' monorima' koi agatn boi'. Watu nantai ari ija' hujatn huatan dingin. Jadi, sia' monokilan api pakai' koi.

Kisah Boko Rasul 28:3

Paulus pan mongumpulan boko ranggau pakai' suluh nantai. Watu io honda' molota'an ranggau nantai ko api, obai api nantai kotakan hangant koluaram siku' ular biso doi' kayu nantai. Ular nantai momatu' longan Paulus huatan kinyo tokolopas.

Kisah Boko Rasul 28:5

Ongko Paulus mongibasan ular nantai ko api. Apo io kinyo mooso podih.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”