Kisah Boko Rasul 28:30 - Porjanjian Boharu Torjomahan Baso Dilakng Soari-ari

³⁰ Paulus monotap di Roma somanah duo tohutn ponuh. Io totap bodiapm di rumah inyo io sewa. Io monorima' agatn boi' somuo urakng inyo datakng ko io.

Kisah Boko Rasul 28:30 ပူးပေါင်းရင်းမြစ်များ

Yohanes 1:39

Kato-Nyo ko sia', “Hincapm, lalu kaitn paca'an moniant!” Jadi, sia' botula', lalu moniant tompat Sio bodiapm. Nantai tojadi kiro-kiro japm ompat babahari. Ari nantai, sia' diapm bosamo-samo agatn Sio.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 24:27

Lopas udah laluam duo tohutn, Feliks digonti'i ulih Perkius Festus. Pado watu nantai pan, Feliks kinyo honda' monyolosaian pokaro Paulus doholu komai. Io totap mombiaran Paulus di ponjara obai io honda' monyonangan hati boko pomimpitn Yahudi.

Kisah Boko Rasul 28:16

Doi' duo laman nantai koi tuntukng di kota Roma. Di santai, boko pomimpitn pomorintah Romawi moonji'i ijitn oca' Paulus ulih bodiapm di rumah topisah siku'nyo. Apo gola' ado projurit inyo monjago io.

Kisah Boko Rasul 28:29

Lopas Paulus momandiran nantai, boko urakng Yahudi nantai bubar. Sia' ija' botikakng obai sia' kotakan songkayo pondapat].

Kisah Boko Rasul 28:31

Io momboritoan mongona'i Koraja'an Allah. Io mongajar mongona'i Tuhatn Yesus, Rajo Inyo Dijanjian Allah nantai. Io momboritoan nantai agatn borani. Co nyiant inyo mohalaki io.

Roma 15:32

Agatn ubo nantai, aman Allah moijitan, aku tajahan datakng ko kaitn agatn sonang hati. Timpu aku bosamo kaitn, bukakng ongko hati ku dapat dikuatan agi'.

2 Korintus 11:23

Kata'an sia' mongatoan obai sia' molayati Kristus ai? Aku molayati Kristus agatn lobih boi'! (Aku gogilo momuji diri ubo ni'inan!) Aku bokorojo molayati lobih koras doi' pado sia'. Aku kotakng opat dimansu'an ko dalapm ponjara obai momboritoan mongona'i Kristus. Aku kotakng opat dipantu', opat jam hampir mati.

2 Korintus 6:5

Boko urakng boduda'an koi, monamoan koi ko ponjara, bulah korusuhan pakai' molawatn koi. Koi bokorojo humpas-pulas, hala kolaparan, opat co tidu'.

Filipi 1:13

Jadi, alasanku ditamoan ko dalapm ponjara udah jolas bagi somuo urakng di si'itn, tomansu' somuo projurit inyo monjago tompat ku ditahatn dalapm istana rajo ni'in. Somuo sia' tohu obai aku di ponjara obai aku molayati Kristus.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.