Kisah Boko Rasul 28:28 - Porjanjian Boharu Torjomahan Baso Dilakng Soari-ari

²⁸ Jadi, kaitn gola' mongotohu'i ni'in: borito mongona'i kosolamant'an doi' Allah nantai paca'an disampaian ko boko banso inyo bukainyo banso Yahudi, sia' paca'an pocayo agatn borito nantai.” [

Kisah Boko Rasul 28:28 ပူးပေါင်းရင်းမြစ်များ

Lukas 3:6

Ongko boko urakng tajahan moniant kosolamant'an inyo datakng doi' Allah.’ ”

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Kisah Boko Rasul 13:26

Boko somadikan koturutan Abrahapm, huatan boko urakng bukainyo urakng Yahudi udah pocayo agatn Allah: Yesus mombuka' jalatn oca' urakng ulih disolamant'an doi' hukupan dosa. Borito nantai udah disampaian ko kito somuo!

Kisah Boko Rasul 13:38

Boko somadikan, aku monyimpulan pomandiranku. Aman kito monaati somuo Porintah Allah inyo ditulis Musa, hal nantai kinyo bulah boko dosa kito diamputi. Boko dosa kito diamputi ongkah aman kito pocayo agatn Yesus.

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Kisah Boko Rasul 15:14

Simon Petrus udah mongisahan pongalapannyo komai. Io mongisahan caro Allah monunju'an koboi'an ko boko banso bukai. Allah momilih boko urakng doi' antaro sia' oca' monjadi umant-Nyo.

Kisah Boko Rasul 15:17

Aku paca'an molabuhan nantai oca' boko urakng bukai datakng monggoyapi Aku. Aku udah momilih doi' boko urakng inyo bukainyo urakng Yahudi pakai' monjadi umant-Ku. Sia' paca'an datakng ko Aku jam. Aku, Tuhatn, udah momandiran ni'in. Pasti, Aku paca'an molabuhan somuonyo ni'in.’

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Kisah Boko Rasul 2:14

Lopas nian Petrus maju bosamo kosobolas rasul inyo bukai. Agatn saro borakng io bopandir ko somuo urakng banya' nantai, “Boko somadikan urakng Yahudi huatan somuo urakng inyo bodiapm di Yerusalem! Dinga'anbo pomandiranku ni'in. Aku paca'an monjolasan masud doi' somuo inyo tojadi ni'in.

Kisah Boko Rasul 22:21

Apo Tuhatn bopandir ko aku, ‘Botula'cam! Obai Aku paca'an moutus kolai ko boko tompat inyo jouh doi' si'itn. Kolai gola' momboritoan mongona'i Aku ko boko banso urakng inyo bukai Yahudi.’ ”

Kisah Boko Rasul 28:29

Lopas Paulus momandiran nantai, boko urakng Yahudi nantai bubar. Sia' ija' botikakng obai sia' kotakan songkayo pondapat].

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Roma 11:11

Jadi, banya' urakng Yahudi monjadi jouh doi' Allah. Apo aku botakutn: Apo bai nantai tojadi oca' sia' co mungkitn bobali' ko Allah? Samo sokali cado! Obai sia' bodosa monula' Yesus, jadi boko banso bukainyo dionji'i kosompatan pakai' monorima' Yesus ongko monjadi solamant. Nantai tojadi oca' urakng Yahudi monjadi hiri, honda' diborokati jam samo sama'an boko banso bukai nantai jam.

Roma 4:11

Sunant nantai ia'an tando inyo mombutian obai io udah monjadi bondar obai io pocayo. Io monjadi bondar di hadapan Allah sobolupm io disunant. Sama'an nian jam, Abrahapm ulih dianggap monjadi angki-bayatn somuo urakng bukai Yahudi inyo pocayo, biar pan sia' kinyo bosunant. Samo sama'an Abrahapm, sia' monjadi bondar obai sia' pocayo.