Kisah Boko Rasul 28:20 - Porjanjian Boharu Torjomahan Baso Dilakng Soari-ari

²⁰ Nanam obainyo, aku minto pakai' botomu agatn kaitn, oca' aku ulih monjolasan alasan aku monjadi tahatan di si'itn. Aku ditangkap obai aku pocayo ko Rajo Inyo Allah janjian ko urakng Israel.”

Kisah Boko Rasul 28:20 ပူးပေါင်းရင်းမြစ်များ

Kisah Boko Rasul 10:29

Obai nantai, watu aku dipocaki aku co koboratan. Jadi ni'inan, aku honda' botakutn: Ma'apo kaitn mombaba' aku ko si'itn?”

Kisah Boko Rasul 10:33

Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”

Kisah Boko Rasul 21:33

Lopas jadi komandatn pasukan nantai datakng, io monyiuh oca' Paulus ditangkap. Jadi, Paulus dikobat agatn duo rantai. Ongko, komandatn pasukan nantai botakutn, “Sopo urakng ni'in? Kosalahan la'apo inyo udah dilabuhannyo?”

Kisah Boko Rasul 23:6

Paulus udah mongotohu'i di antaro boko pomimpitn inyo hadir, ado inyo doi' kolompok Saduki huatan ado jam inyo doi' kolompok Farisi. Io udah mongotohu'i urakng Saduki kinyo pocayo aman urakng mati paca'an hidup agi'. Sia' jam kinyo pocayo ado boko molekat damo boko roh. Apo urakng Farisi pocayo somuo hal nantai. Obai nantaiam, io mondorah, “Boko somadikan, aku ni'in urakng Farisi. Bopaiku pan urakng Farisi. Aku pocayo obai urakng mati paca'an hidup agi'. Nanam alasan aku diadili ari ni'in!” Pomandiran Paulus bunyi nantai pakai' bulah boko urakng Farisi huatan boko urakng Saduki di santai botikakng. Potomuan sia' nantai monjadi tobagi-bagi.

Kisah Boko Rasul 24:15

Samo sama'an sia', aku pan yakitn obai suatu ari nono Allah paca'an bulah urakng bobali' hidup doi' komatian, boi' urakng bondar honda' pan urakng jahat.

Kisah Boko Rasul 26:29

Kato Paulus, “Biar pan duatn pocayo dalapm watu socopat ni'in, damo manah-komanahan duatn pocayo, aku totap bodoa ko Allah oca' duatn pocayo agatn Yesus. Kinyo bayo duatn, apo somuo urakng inyo hadir inyo mondinga'an aku sari ni'in. Aku bodoa kaitn somuo monjadi samo sama'an aku. Apo aku co honda' kaitn dikobat agatn rantai bosi sama'an ni'in.”

Kisah Boko Rasul 28:17

Lopas jadi tigo ari, Paulus mohundakng boko pomimpitn urakng Yahudi di Roma pakai' monomu'i io. Lopas jadi sia' bokumpul, io bopandir ko sia', “Boko somadikan, aku co bulah salah molawatn banso kito. Aku pan co molanggar adat baso angki-bayatn kito. Apo, di kota Yerusalem boko urakng Yahudi monangkap aku. Ongko sia' monyorahan aku ko boko urakng Romawi.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Efesus 6:20

Memang aku diutus pakai' momboritoan Kabar Boi' nantai. Nianam alasannyo aku ditamoan ko dalapm ponjara. Jadi, bodoacam oca' aku borani momadahan Kabar Boi' nantai, sama'an inyo gola' ku labuhan.

Filipi 1:13

Jadi, alasanku ditamoan ko dalapm ponjara udah jolas bagi somuo urakng di si'itn, tomansu' somuo projurit inyo monjago tompat ku ditahatn dalapm istana rajo ni'in. Somuo sia' tohu obai aku di ponjara obai aku molayati Kristus.

Kolose 4:18

Salapm doi' aku, Paulus. Aku monulis salapm ni'in agatn jariku siku'. Jangan tongkolupatn obai aku ija' di dalapm ponjara! Aku bodoa oca' Tuhatn moonji'i koboi'an ko kaitn.

2 Timotius 1:10

Watu ni'in, Allah monunju'an koboi'an-Nyo ko kito agatn kodatakan Kristus Yesus, Ponyolamant kito. Molalu'i Kabar Boi' nantai, Sio udah mongalahan kuaso komatian huatan moonji'i kito hidup inyo somanah-manahnyo di sorugo.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

Filemon 1:10

Porminta'anku ni'in ia'an mongona'i Onesimus. Watu ku di dalapm ponjara ni'in, io monjadi samo sama'an ana'ku siku' obai aku monulukng io monjadi pocayo ko Yesus.

Filemon 1:13

Sobondarnyo, aku honda' oca' io totap bosamo agatn aku. Io ulih monggonti'i kolai pakai' monulukng ku somanah aku ija' di dalapm ponjara obai aku momboritoan Kabar Boi'.