Kisah Boko Rasul 28:14 - Porjanjian Boharu Torjomahan Baso Dilakng Soari-ari

¹⁴ Di kota nantai, koi botomu agatn boko urakng pocayo agatn Yesus. Sia' mominto koi monoluntukng samoan agatn sia' somanah tujuh ari. Lopas nian, koi molajuan pojalatan ko Roma molalu'i jalatn darat.

Kisah Boko Rasul 28:14 ပူးပေါင်းရင်းမြစ်များ

Matius 10:11

Timpu kaitn mansu' ko sotiap kota ongko laman, goyapcam siku' urakng inyo honda' monorima' kaitn. Bodiapmcam agatn io sampai kaitn botula' agi'.

Yohanes 21:23

Obai Yesus momadahan nantai, toboritoam kabar di antaro boko urakng pocayo obai murid-Nyo nantai kinyo paca'an mati. Padohal Yesus co momadahan obai murid-Nyo nantai co paca'an mati, Yesus ongkah momadahan, “Soandainyo, Aku honda' oca' io totap hidup sampai Aku datakng agi', nantai bukainyo urusan kolai.”

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Kisah Boko Rasul 19:1

Timpu Apolos ija' ado di kota Korintus di propinsi Akhaya, Paulus udah mondataki boboropo doerah bukai di propinsi Galatia huatan Frigia. Io bojalatn torus sampai di Efesus di propinsi Asia. Di santai io botomu agatn boboropo urakng inyo pocayo.

Kisah Boko Rasul 20:6

Koi singgah di kota Filipi. Lopas jadi ari rayo Roti Co Boragi, koi bolayar ko Troas. Lopas jadi lima' ari pojalatan, koi duo datakng. Di santai koi botomu agatn sia' inyo mondoholu'i koi. Koi somuo tinggal di su'utn somanah tujuh ari.

Kisah Boko Rasul 21:4

Jadi, koi monjongu' boko urakng inyo pocayo agatn Yesus di santai. Koi monotap bosamo agatn sia' somanah tujuh ari. Roh Allah momadahan ko sia' obai Paulus paca'an ajab sonsaro di Yerusalem. Jadi, sia' monosihat'i Paulus oca' co botula' ko su'utn.

Kisah Boko Rasul 28:13

Doi' su'utn koi sampai ko kota Regium di hujukng propinsi Italia. Kohobu'annyo ado angin muput doi' arah solatatn, ia'an kohobu'annyo agi', koi tuntukng ko kota Puteoli inyo ado lobih di utara.

Kisah Boko Rasul 28:15

Boko urakng pocayo doi' kota Roma udah mondinga' borito mongona'i koi. Jadi, ado doi' sia' datakng monomu'i koi di laman Balai Apius. Inyo bukainyo botomu koi di laman Balai Tigo. Timpu Paulus moniant sia' somuo, io bosukur ko Allah. Hatinyo mongkitn dikuatan.

Kisah Boko Rasul 28:21

Sia' bopandir, “Koi bolupm monorima' surat doi' propinsi Yudea mongona'i kolai. Bolupm ado boko somadikan urakng Yahudi doi' su'utn inyo datakng mombaba' borito mongona'i kolai. Bolupm ado inyo mongisahan obai kolai udah bulah kojahatan.

Kisah Boko Rasul 6:3

Jadi boko somadikan, pilihcam tujuh urakng doi' antaro kaitn. Kotujuh urakng nantai gola' dikonal sobagai urakng inyo pintar-corodi' agatn boi' hati. Roh Allah gola' ado pado sia' nantai jam. Koi paca'an monyorahan polayatan ni'in ko sia'. Sia' nanam inyo mombagian pomakatn sotiap arinyo.

Kisah Boko Rasul 9:30

Apo hajat sia' nantai dikotohu'i boko urakng inyo pocayo Yesus. Jadi, sia' moonju'an Saulus ko polabuhan di kota Kaisarea. Doi' santai sia' monula'an io ko kota Tarsus, tompat asalnyo.

Roma 1:13

Boko somadikan, aku honda' oca' kaitn tohu obai aku udah opat bohajat pakai' mondataki kaitn, apo sampai watu ni'in hala ado halakan. Aku honda' datakng oca' nononyo polayatanku di antaro kaitn ulih bohasil samo sama'an inyo tojadi di antaro boko urakng inyo bukai Yahudi di boko tompat inyo bukai jam.