Kisah Boko Rasul 27:42 - Porjanjian Boharu Torjomahan Baso Dilakng Soari-ari

⁴² Timpu nantai, boko projurit gola' aman somuo tahatan paca'an bononang ko darat ongko morarian diri. Jadi, sia' bohajat pakai' mombunuh somuo tahatan nantai.

Kisah Boko Rasul 27:42 ပူးပေါင်းရင်းမြစ်များ

Kisah Boko Rasul 12:19

Herodes monyiuh boko projuritnyo pakai' monggoyapi Petrus. Apo co kotomuan sia'. Ongko, Herodes botakutn kapikng godi ko boko projurit inyo monjago ponjara nantai huatan monyiuh boko projurit bukainyo oca' mombunuh sia'. Lopas nantai, Herodes botula' doi' doerah Yudea ongko bodiapm di kota Kaisarea.

Kisah Boko Rasul 27:24

Katonyo, ‘Paulus, jangan gola'. Kolai gola' ija' mohadap Kaisar negara Roma. Allah paca'an monunju'an koboi'an hati-Nyo ko kolai. Allah bojanji obai somuo urakng inyo bosamo-samo agatn kolai di kapal ni'in paca'an solamant.’

Kisah Boko Rasul 27:41

Apo ado ara'i inyo kinyo gaho dalapm. Bagian koholuan kapal nantai morudu rado pasir ongko toganggal. Kapal nantai kinyo ulih bogora' agi'. Sodakan bagian bolikat kapal nantai mula'i hancur obai dihontapm golumbakng.

2 Korintus 11:26

Dalapm banya' pojalatan, aku mohadapi bomacapm bohayo: bohayo doi' sungai, bohayo doi' porampok, bohayo doi' bansoku siku' urakng Yahudi, bohayo doi' boko urakng bukainyo urakng Yahudi, bohayo di kota, bohayo di padakng pasir, bohayo di lout, bohayo doi' boko urakng inyo pompadah sia' pocayo, apo sobondarnyo cado.