Kisah Boko Rasul 27:41 - Porjanjian Boharu Torjomahan Baso Dilakng Soari-ari

⁴¹ Apo ado ara'i inyo kinyo gaho dalapm. Bagian koholuan kapal nantai morudu rado pasir ongko toganggal. Kapal nantai kinyo ulih bogora' agi'. Sodakan bagian bolikat kapal nantai mula'i hancur obai dihontapm golumbakng.

Kisah Boko Rasul 27:41 ပူးပေါင်းရင်းမြစ်များ

Kisah Boko Rasul 27:17

Lopasnyo jadi porohu kocit nantai didudus ko pucu' kapal, boko ana' buah kapal momasakng tali molingkar di sokolilikng kapal nantai oca' lobih kuat. Sia' gola' kapal nantai toganggal di pasir inyo dabu di tompat inyo bodamo Sirtis. Jadi, sia' monurutan layar oca' kapal lobih gamant tobaba' bonakau.

Kisah Boko Rasul 27:30

Apo boko ana' buah kapal nantai honda' monyolamant'an diri. Sia' pompadah mula'i monurutan boboropo sauh doi' koholuan kapal koi. Apo sobondarnyo sia' monurutan porohu kocit oca' ulih morarian diri.

Kisah Boko Rasul 27:40

Jadi sia' molopasan boko tali sauh nantai. Sia' mombiaran boko sauh nantai jatu' ko dalapm lout ja'am. Pontongahan, sia' molopasan boko tali inyo dipasakng ko alat komudi tontai oca' sia' ulih moarahan kapal agi'. Sia' pan monoi'an layar jam oca' angin muput kapal nantai. Ongko sia' moncubo monuju ko pantai.

Kisah Boko Rasul 27:42

Timpu nantai, boko projurit gola' aman somuo tahatan paca'an bononang ko darat ongko morarian diri. Jadi, sia' bohajat pakai' mombunuh somuo tahatan nantai.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.