Kisah Boko Rasul 27:40 - Porjanjian Boharu Torjomahan Baso Dilakng Soari-ari

⁴⁰ Jadi sia' molopasan boko tali sauh nantai. Sia' mombiaran boko sauh nantai jatu' ko dalapm lout ja'am. Pontongahan, sia' molopasan boko tali inyo dipasakng ko alat komudi tontai oca' sia' ulih moarahan kapal agi'. Sia' pan monoi'an layar jam oca' angin muput kapal nantai. Ongko sia' moncubo monuju ko pantai.

Kisah Boko Rasul 27:40 ပူးပေါင်းရင်းမြစ်များ

Matius 4:18

Timpu Yesus tongahan bojalatn di pantai Danau Galilea, Sio moniant duo urakng nolayatn, ia'an Simon (inyo jam ditingkau Petrus) ongko Andreas, somadikannyo. Sia' tongahan monjalo ikatn di danau.

Kisah Boko Rasul 27:17

Lopasnyo jadi porohu kocit nantai didudus ko pucu' kapal, boko ana' buah kapal momasakng tali molingkar di sokolilikng kapal nantai oca' lobih kuat. Sia' gola' kapal nantai toganggal di pasir inyo dabu di tompat inyo bodamo Sirtis. Jadi, sia' monurutan layar oca' kapal lobih gamant tobaba' bonakau.

Kisah Boko Rasul 27:41

Apo ado ara'i inyo kinyo gaho dalapm. Bagian koholuan kapal nantai morudu rado pasir ongko toganggal. Kapal nantai kinyo ulih bogora' agi'. Sodakan bagian bolikat kapal nantai mula'i hancur obai dihontapm golumbakng.