Kisah Boko Rasul 27:4 - Porjanjian Boharu Torjomahan Baso Dilakng Soari-ari

⁴ Timpu koi botula' doi' Sidon, ado bonakau muput doi' arah koholuan kapal. Jadi, kapal koi monyusur pinggir lout dampikng pulau Siprus oca' tolindukng doi' bonakau nantai.

Kisah Boko Rasul 27:4 ပူးပေါင်းရင်းမြစ်များ

Kisah Boko Rasul 4:36

Sama'an nantai jam inyo dilabuhan Yusuf. Io urakng Yahudi inyo boasal doi' koturutan suku Lewi apo io lahir di Pulau Siprus. Boko rasul moningkau Yusuf nantai Barnabas, obai dalapm Baso Yahudi Barnabas nantai rotinyo ‘urakng inyo hala monulukng urakng bukai.’

Kisah Boko Rasul 27:7

Bonakau pagutn hala muput kuat doi' koholuan kapal. Jadi, somanah boboropo ari koi bolayar kotakan landai. Agatn uyuh jorih koponsuahannyo koi tuntukng di dampikng kota Knidus. Apo bonakau kuat nantai mohalaki kapal bolayar ko arah barat agi'. Ongko, koi ko arah solatatn oca' tolindukng ulih pantai solatatn pulau Kreta, dampikng tanjukng Salmone.

Kisah Boko Rasul 21:16

Boboropo urakng pocayo di kota nantai tuyut samoan koi. Sia' moonju'an koi ko rumah Manason. Manason boasal doi' pulau Siprus. Io udah manah am monjadi pocayo agatn Yesus. Koi noluntukng di rumahnyo.

Kisah Boko Rasul 21:3

Timpu koi tongahan bolayar, koi moniant pulau Siprus di sopia' kiba'. Apo koi torus bolayar sampai ko kota Tirus di doerah Fenisia di propinsi Siria. Kapal nantai singgah di santai pakai' monurutan muant'an di santai.

Kisah Boko Rasul 15:39

Jadi, ado potikakan inyo bosar antaro Paulus ongko Barnabas. Obai nantai, sia' bosongkayo. Barnabas mombaba' Markus, jumpat kapal ko pulau Siprus.

Kisah Boko Rasul 13:4

Roh Allah mombimbikng Barnabas ongko Saulus doi' sobuah tompat ko tompat inyo bukai. Jadi, sia' botula' doi' kota Antiokhia ko polabuhan Seleukia. Doi' santai sia' bolayar ko polabuhan Salamis di pulau Siprus.

Markus 6:48

Sio moniant sia' uyuh bondar bokayuh obai ado bonakau bosar inyo bolawatan arah agatn porohu nantai. Jadi, pas nantai kiro-kiro japm tigo dinihari, Sio datakng ko sia', bojalatn di pucu' ara'i. Sio bojalatn torus ubonyo tajahan molalu'i sia'.

Matius 14:24

Apo porohu inyo dikojumpati boko murid-Nyo udah jouh doi' pantai. Ado angin bonakau inyo bolawatan arah agatn porohu nantai. Jadi, boko golumbakng mohontapm porohu nantai.

Lukas 8:22

Pas ari nantai, Yesus agatn boko murid-Nyo ado di Danau Galilea. Yesus bopandir ko sia', “Mara kito botula' ko soborakng danau.” Jadi, sia' jumpat ko porohu, ongko botula'am.