Kisah Boko Rasul 27:3 - Porjanjian Boharu Torjomahan Baso Dilakng Soari-ari

³ Kohobu'annyo, koi tuntukng di Sidon. Yulius komandatn pasukan nantai boi' hati agatn Paulus. Io moijitan Paulus turutn pakai' monjongu' boko kawalnyo di Sidon. Sia' ulih moonji'i la'apo inyo io pontikan.

Kisah Boko Rasul 27:3 ပူးပေါင်းရင်းမြစ်များ

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Kisah Boko Rasul 12:20

Timpu nantai, Herodes kotakan godi agatn masrakat di kota Tirus huatan Sidon. Apo sia' kotakan pontikng mondapat pomakatn doi' doerah kokuasa'an Rajo Herodes nantai. Obai nantai, boko urakng doi' koduo kota nantai samo-samo bousaha bodamai agatn io. Timpu Herodes ado di kota Kaisarea, sia' mongiripm boko utusan ko su'utn. Sia' boharap oca' ulih mohadap rajo. Ongko, sia' mongkongkanti'i siku' urakng pojabat rajo pakai' bopihak ko sia'. Damonyo Blastus. Io hulutn gapit kulit rajo Herodes.

Kisah Boko Rasul 24:23

Ongko io monyiuh powiranyo oca' Paulus totap ditahatn, apo kinyo dijago sobobondarnyo. Aman boko pokawalan Paulus datakng, sia' ulih diijitan pakai' monulukng Paulus.

Kisah Boko Rasul 27:1

Jadi, gubernur Festus momutusan obai Paulus gola' bolayar ko kota Roma di propinsi Italia. Festus monyorahan Paulus huatan boboropo urakng bukai inyo ditahatn ko siku' urakng powira. Damonyo Yulius. Io anggota doi' pasukan husus Kaisar negara Roma.

Kisah Boko Rasul 27:43

Apo Yulius honda' monyolamant'an Paulus. Jadi io morarakng sia'. Io momorintahan somuo urakng inyo ulih bononang lobih doholu torojutn ko lout ongko bononang ko darat.

Kisah Boko Rasul 28:16

Doi' duo laman nantai koi tuntukng di kota Roma. Di santai, boko pomimpitn pomorintah Romawi moonji'i ijitn oca' Paulus ulih bodiapm di rumah topisah siku'nyo. Apo gola' ado projurit inyo monjago io.