Kisah Boko Rasul 27:29 - Porjanjian Boharu Torjomahan Baso Dilakng Soari-ari

²⁹ Sia' monjadi gola' aman kapal toganggal ko batu ndampar. Jadi, sia' monurutan ompat sauh doi' bolikat kapal oca' kapal maju gogamant huatan boharap mudahan ari copat siakng.

Kisah Boko Rasul 27:29 ပူးပေါင်းရင်းမြစ်များ

Kisah Boko Rasul 27:17

Lopasnyo jadi porohu kocit nantai didudus ko pucu' kapal, boko ana' buah kapal momasakng tali molingkar di sokolilikng kapal nantai oca' lobih kuat. Sia' gola' kapal nantai toganggal di pasir inyo dabu di tompat inyo bodamo Sirtis. Jadi, sia' monurutan layar oca' kapal lobih gamant tobaba' bonakau.

Kisah Boko Rasul 27:26

Apo kapal ni'in pasti paca'an toganggal di sobuah pulau.”

Kisah Boko Rasul 27:28

Jadi, sia' monjatu'an batu botali ko dalapm ara'i pakai' moukur kodalapan ara'i lout. Dalapmnyo kiro-kiro ompat puluh meter. Lopas kapal maju sodikit lobih jouh, sia' monurutan talinyo agi'. Ruponyo dalapmnyo bayo kiro-kiro tigo puluh meter.

Kisah Boko Rasul 27:30

Apo boko ana' buah kapal nantai honda' monyolamant'an diri. Sia' pompadah mula'i monurutan boboropo sauh doi' koholuan kapal koi. Apo sobondarnyo sia' monurutan porohu kocit oca' ulih morarian diri.

Ibrani 6:19

Harapan nantai samo sama'an jangkar inyo mombulah jiwa kito aman ongko totap kuat pocayo. Harapan nantai monombus tidikng ruakan maho suci di rumah Allah di sorugo. Yesus udah mombuka' jalatn pakai' kito ko tompat nantai, ongko mansu' ko santai monjadi Imam Agukng pakai' somanah-manahnyo samo sama'an, Melkisedek monjadi imam ija' joman komai.