Kisah Boko Rasul 27:24 - Porjanjian Boharu Torjomahan Baso Dilakng Soari-ari

²⁴ Katonyo, ‘Paulus, jangan gola'. Kolai gola' ija' mohadap Kaisar negara Roma. Allah paca'an monunju'an koboi'an hati-Nyo ko kolai. Allah bojanji obai somuo urakng inyo bosamo-samo agatn kolai di kapal ni'in paca'an solamant.’

Kisah Boko Rasul 27:24 ပူးပေါင်းရင်းမြစ်များ

Matius 10:18

Obai kaitn pongikut Aku, kaitn paca'an dibaba' ko boko ponguaso ongko boko rajo pakai' diadili. Nantaiam watunyo kaitn paca'an bosasi mongona'i Aku ko sia' urakng Yahudi huatan ko boko urakng inyo bukainyo urakng Yahudi.

Matius 10:28

Jangan gola' agatn sia' inyo bayo ulih mombunuh kaitn. Sia' kinyo bokuaso mombunuh jiwa kaitn. Apo kaitn harus gola' agatn Allah. Obai, Sio bokuaso mombonasoan jiwa ongko bukakng-tubuh kaitn di dalapm noraka!

Yohanes 11:9

Timbas Yesus, “Watu bonyarian ado duo bolas japm. Urakng inyo bojalatn watu bonyarian, io kinyo topanjur obai io moniant torakng dunia ni'in.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 23:11

Pas malapm nantai Tuhatn Yesus bodiritn di sopia' Paulus ongko bopandir ko io, “Jangan gola'. Kolai udah borani momboritoan mongona'i Aku di Yerusalem. Nononyo kolai gola' borani jam momboritoan mongona'i Aku di Roma.”

Kisah Boko Rasul 25:11

Aman aku bondar-bondar udah molabuhan kojahatan ulihmo aku dihukupm mati, aku monorima' hukupan nantai. Apo aman tuduhan sia' tohadap aku kinyo bondar, co nyiant urakng inyo ulih monyorahan aku ko sia'. Socaro resmi ni'inan aku minto oca' pokaroku ditorusan ko Kaisar negara Roma.”

Kisah Boko Rasul 27:31

Moniant nantai, Paulus bopandir ko Yulius huatan boko projuritnyo, “Aman boko ana' buah kapal nantai kinyo totap di kapal ni'in, kaitn co mungkitn solamant.”

Kisah Boko Rasul 27:37

(Koi inyo ado di dalapm kapal nantai bojumlah duo ratus tujuh puluh onam urakng).

Kisah Boko Rasul 27:42

Timpu nantai, boko projurit gola' aman somuo tahatan paca'an bononang ko darat ongko morarian diri. Jadi, sia' bohajat pakai' mombunuh somuo tahatan nantai.

Kisah Boko Rasul 27:44

Boko urakng inyo kinyo tohu bononang disiuh pakai' bokolayut ko boko papatn huatan boko kopocahan bukai doi' kapal nantai. Agatn caro sama'an nantai, somuo urakng tuntukng ko pantai agatn solamant.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Filemon 1:22

Solaitn nantai pan, tulukng siap'an tompat ponoluntukan di rumah kolai pakai' ku. Obai, aku yakitn Allah paca'an mongabulan doa kaitn sampai aku dibebasan lalu ulih bobali' agi' ko kaitn.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

Wahyu 1:17

Pas aku moniant-Nyo, aku lansukng tokosungkapm di hadapan kaki-Nyo sama'an urakng mati. Apo Sio molota'an longan kanan-Nyo ko aku. Kato-Nyo, “Jangan gola'! Aku ninam inyo Potamo ongko inyo toahir,