Kisah Boko Rasul 27:20 - Porjanjian Boharu Torjomahan Baso Dilakng Soari-ari

²⁰ Boari-ari bonakau nantai muput hala kotakan kuat. Hala ado awatn golap di langit sampai koi kinyo moniant matoari damo bintakng. Jadi koponsuahannyo koi monjadi putus asa. Koi bopikir kinyo mungkitn koi ulih solamant.

Kisah Boko Rasul 27:20 ပူးပေါင်းရင်းမြစ်များ

Matius 24:29

“Kinyo manah lopas watu ajab sonsaro nantai, matoari paca'an monjadi golap. Bulatn kinyo paca'an borandai agi'. Boko bintakng paca'an jatu' doi' langit. Huatan boko ponguaso di langit paca'an boguyakng.

1 Tesalonika 4:13

Boko somadikan, koi kotakng honda' oca' kaitn mongotohu'i mongona'i la'apo inyo paca'an tojadi ko boko urakng inyo pocayo lopas sia' mati. Koi co honda' kaitn bulikng samo sama'an boko urakng inyo kinyo pocayo ko Yesus. Sia' co nyiant pongharapan obai boko urakng inyo mati paca'an bobali' hidup.

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

2 Korintus 11:25

Tigo kali aku dipantu' agatn batakng kayu ulih boko urakng Roma. Sokali ado boko urakng inyo honda' mombunuh ku monikapm ku agatn batu. Tigo kali di lout aku karapm di kapal. Tomansu' sokali aku imba'-imbul di tongah lout soari somalapm.

Kisah Boko Rasul 27:19

Pas ko tigo arinyo agatn tunju'-jari sia' siku', sia' gola' mombuakan boko alat kapal ko lout.

Kisah Boko Rasul 27:21

Boari-ari co nyiant inyo honda' makatn. Jadi, Paulus bodiritn di tongah-tongah koi somuo. Katonyo, “Boko somadikan, komai aku udah moonji'i nosihat oca' kito jangan bolayar doi' pulau Kreta. Apo kaitn kinyo monuruti nosihat nantai. Jadi, sokarakng kito moalapi boncana sama'an ni'in. Kito udah rugi banya'.