Kisah Boko Rasul 27:11 - Porjanjian Boharu Torjomahan Baso Dilakng Soari-ari

¹¹ Apo urakng inyo mongomudian kapal huatan urakng umputn kapal bopikir lobih boi' aman molajuan pojalatan. Yulius nantai lobih pocayo ko sia' daripado Paulus.

Kisah Boko Rasul 27:11 ပူးပေါင်းရင်းမြစ်များ

Kisah Boko Rasul 27:21

Boari-ari co nyiant inyo honda' makatn. Jadi, Paulus bodiritn di tongah-tongah koi somuo. Katonyo, “Boko somadikan, komai aku udah moonji'i nosihat oca' kito jangan bolayar doi' pulau Kreta. Apo kaitn kinyo monuruti nosihat nantai. Jadi, sokarakng kito moalapi boncana sama'an ni'in. Kito udah rugi banya'.

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.

Yakobus 3:4

Damo pikiran jam mongona'i caro pongomudi mongomudian kapal. Kapal nantai kotakan bosar huatan dibaba' angin bonakau. Apo pongomudi nantai ulih moarahan soluruh kapal nantai agatn komudi inyo kotakan kocit.

Wahyu 18:17

Somuo pongomudi kapal, somuo urakng inyo jumpat kapal, somuo ana' buah kapal, huatan somuo urakng inyo bodagakng molalu'i lout, sia' somuo paca'an bodiritn doi' jouh jam.