Kisah Boko Rasul 27:1 - Porjanjian Boharu Torjomahan Baso Dilakng Soari-ari

¹ Jadi, gubernur Festus momutusan obai Paulus gola' bolayar ko kota Roma di propinsi Italia. Festus monyorahan Paulus huatan boboropo urakng bukai inyo ditahatn ko siku' urakng powira. Damonyo Yulius. Io anggota doi' pasukan husus Kaisar negara Roma.

Kisah Boko Rasul 27:1 ပူးပေါင်းရင်းမြစ်များ

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Lukas 23:47

Timpu kopala' pasukan moniant la'apo inyo udah tojadi, io momuji Allah. Lalu io bopandir, “Bondaram, Sio kinyo bosalah!”

Lukas 7:2

Di santai ado siku' powira tontara Romawi, ongko hulutnnyo sakit kuat, honda' matiam. Powira tontara nantai kotakan kidahnyo agatn hulutnnyo nantai.

Kisah Boko Rasul 10:1

Di kota Kaisarea, ado siku' urakng powira tontara. Damonyo Kornelius. Kornelius ongko somuo koluarganyo bukainyo urakng Yahudi. Io momimpitn sokitar soratus projurit inyo dalapm sotilah tontara Roma disobut pasukan Italia.

Kisah Boko Rasul 10:22

Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.”

Kisah Boko Rasul 16:10

Doi' poniant'an nantai, koi monyimpulan obai Allah moningkau koi pakai' momboritoan Kabar Boi' ko boko urakng Makedonia. Jadi, koi lansukng bogoyap tumpakan inyo botula' ko su'utan.

Kisah Boko Rasul 18:2

Di su'utn io botomu agatn siku' urakng Yahudi inyo boasal doi' propinsi Pontus. Damonyo Akwila. Bininyo bodamo Priskila. Boboropo watu sobolupmnyo, sia' duo nantai tinggal di kota Roma di propinsi Italia. Apo Kaisar negara Roma inyo bodamo Klaudius, momorintahan oca' somuo urakng Yahudi gola' koluar doi' kota Roma. Obai nantai Akwila ongko Priskila pan pindah ko Korintus. Bolupm manah sia' bodiapm di kota Korintus, Paulus datakng ko rumah sia'.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 21:32

Io bosamo boko powira huatan boko projurit lansukng botindak. Sia' maju ko tompat urakng banya' nantai. Timpu boko urakng Yahudi moniant komandatn pasukan huatan tontaranyo datakng, sia' botongga' bodularan Paulus.

Kisah Boko Rasul 22:26

Mondinga' pomandiran Paulus nantai, powira nantai molaporannyo ko komandatn pasukan. Katonyo, “Komandatn, urakng nantai warga negara Roma! La'apo inyo honda' duatn labuhan?”

Kisah Boko Rasul 23:11

Pas malapm nantai Tuhatn Yesus bodiritn di sopia' Paulus ongko bopandir ko io, “Jangan gola'. Kolai udah borani momboritoan mongona'i Aku di Yerusalem. Nononyo kolai gola' borani jam momboritoan mongona'i Aku di Roma.”

Kisah Boko Rasul 23:17

Jadi, Paulus moningkau salah siku' powira. Katonyo, “Tulukng baba' bobia' muda' ni'in ko komandatn pasukan. Ado inyo honda' io padahan ko komandatn.”

Kisah Boko Rasul 24:23

Ongko io monyiuh powiranyo oca' Paulus totap ditahatn, apo kinyo dijago sobobondarnyo. Aman boko pokawalan Paulus datakng, sia' ulih diijitan pakai' monulukng Paulus.

Kisah Boko Rasul 25:12

Jadi, gubernur Festus bohoupm agatn boko ponosihatnyo. Ongko io bopandir, “Boi'am! Kolai udah minto oca' pokaro kolai ditorusan ko Kaisar negara Roma. Jadi, kolai paca'an diadili ulih io di su'utn.”

Kisah Boko Rasul 25:25

Apo aku udah boriso'i io. Aku co monomuan sobuti' kosalahan pan sampai io gola' dihukupm mati. Io siku' mominto oca' pokaronyo ditorusan ko Kaisar negara Roma. Jadi, aku momutusan pakai' mongiripm io ko rajo kito di su'utn.

Kisah Boko Rasul 27:11

Apo urakng inyo mongomudian kapal huatan urakng umputn kapal bopikir lobih boi' aman molajuan pojalatan. Yulius nantai lobih pocayo ko sia' daripado Paulus.

Kisah Boko Rasul 27:43

Apo Yulius honda' monyolamant'an Paulus. Jadi io morarakng sia'. Io momorintahan somuo urakng inyo ulih bononang lobih doholu torojutn ko lout ongko bononang ko darat.

Kisah Boko Rasul 27:6

Komandatn pasukan nantai monomuan kapal doi' kota Aleksandria inyo paca'an botula' ko propinsi Italia. Jadi, io mourus oca' koi somuo ulih tuyut bolayar agatn kapal nantai.

Kisah Boko Rasul 28:1

Lopas koi somuo tuntukng ko darat agatn solamant, boko urakng inyo bodiapm di pulau nantai momadahan ko koi obai pulau nantai bodamo Malta.

Kisah Boko Rasul 28:16

Doi' duo laman nantai koi tuntukng di kota Roma. Di santai, boko pomimpitn pomorintah Romawi moonji'i ijitn oca' Paulus ulih bodiapm di rumah topisah siku'nyo. Apo gola' ado projurit inyo monjago io.

Ibrani 13:24

Sampaian cam salapm ko somuo pomimpitn kaitn ongko somuo urakng umant husus umputn Allah. Boko somadikan doi' propinsi Italia monyampaian salapm ko kaitn.