Kisah Boko Rasul 26:29 - Porjanjian Boharu Torjomahan Baso Dilakng Soari-ari

²⁹ Kato Paulus, “Biar pan duatn pocayo dalapm watu socopat ni'in, damo manah-komanahan duatn pocayo, aku totap bodoa ko Allah oca' duatn pocayo agatn Yesus. Kinyo bayo duatn, apo somuo urakng inyo hadir inyo mondinga'an aku sari ni'in. Aku bodoa kaitn somuo monjadi samo sama'an aku. Apo aku co honda' kaitn dikobat agatn rantai bosi sama'an ni'in.”

Kisah Boko Rasul 26:29 ပူးပေါင်းရင်းမြစ်များ

Yohanes 5:34

(Sobondarnyo Aku co momontikan monsio pakai' bosasi mongona'i Aku. Apo Aku moingant'an kaitn mongona'i kosasian Yohanes oca' kaitn dapat disolamant'an.)

Kisah Boko Rasul 12:6

Herodes udah monontuan ari pakai' moadili Petrus. Timpu malapm ari sobolupm ari nantai, Petrus tongahan tidu' di antaro duo projurit. Io dikobat agatn duo rantai. Ado jam boko projurit bukai monjago ponjara nantai di muka' lawakng.

Kisah Boko Rasul 21:33

Lopas jadi komandatn pasukan nantai datakng, io monyiuh oca' Paulus ditangkap. Jadi, Paulus dikobat agatn duo rantai. Ongko, komandatn pasukan nantai botakutn, “Sopo urakng ni'in? Kosalahan la'apo inyo udah dilabuhannyo?”

Kisah Boko Rasul 25:14

Sia' monotap di su'utn boboropo ari. Ongko, watu nantai, Festus monjolasan mongona'i pokaro Paulus oca' bodapat nosihat doi' rajo Agripa. Katonyo, “Ado siku' urakng tahatan di si'itn. Damonyo Paulus. Timpu Feliks tongga' jadi gubernur, io kinyo monyolosaian pokaro Paulus nantai.

Roma 10:1

Boko somadikan, hatiku morinduan oca' bansoku urakng Yahudi disolamant'an. Nianam doaku ko Allah.

1 Korintus 4:8

Kaitn bopikir kaitn kinyo pontikng apa'-apo agi'. Kaitn bopikir kaitn udah monjadi dampu. Kaitn botingkah sama'an kaitn udah monjadi boko rajo tanpa koi. Sonang bondar aman kaitn memang udah monjadi boko rajo. Ongko, koi pan ulih momorintah bosamo agatn kaitn.

1 Korintus 7:7

Sobondarnyo aku honda' oca' sotiap urakng samo sama'an aku. Apo sotiap urakng ado komampuan husus masikng-masikng doi' Allah. Inyo siku' ado komampuan husus ni'in. Inyo bukainyo ado jam komampuan husus inyo bukai.

2 Korintus 11:1

Apo, aku muhun kaitn sabar agatn aku obai aku gola' sodikit bopandir ubo urakng budu inyo momuji dirinyo siku'. Memang kaitn sabar agatn aku.

Efesus 6:20

Memang aku diutus pakai' momboritoan Kabar Boi' nantai. Nianam alasannyo aku ditamoan ko dalapm ponjara. Jadi, bodoacam oca' aku borani momadahan Kabar Boi' nantai, sama'an inyo gola' ku labuhan.

Kolose 1:28

Kristus nantaiam inyo koi boritoan watu koi momakai somuo kopintar-corodi'an pakai' monosihat'i huatan mongajar sotiap urakng. Tujuannyo oca' koi ulih mombaba' sotiap urakng ko Allah dalapm koadaan suci obai bosatu agatn Kristus.