Kisah Boko Rasul 26:20 - Porjanjian Boharu Torjomahan Baso Dilakng Soari-ari

²⁰ Mulonyo, aku momboritoan mongona'i Yesus ko boko urakng di Damsyik, ongko di Yerusalem, ongko di soluruh doerah propinsi Yudea. Lopas nantai, aku momboritoan mongona'i Yesus ko boko banso inyo bukainyo banso Yahudi. Aku momboritoan obai sia' gola' botongga' bulah dosa huatan hidup monyonangan hati Allah. Aku momboritoan, sia' gola' molabuhan porbuatan inyo monunju'an obai sia' memang bondar-bondar botongga' bulah dosa.

Kisah Boko Rasul 26:20 ပူးပေါင်းရင်းမြစ်များ

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 3:8

Kaitn gola' molabuhan porbuatan inyo bondar pakai' monunju'an obai kaitn bondar-bondar moninggalan dosa.

Matius 4:17

Doi' watu nantai, Yesus mula'i momboritoan. Kato Sio, “Koraja'an Sorugo udah dampikam! Jadi, botongga'cam kaitn bulah dosa ongko monyonangan Allah.”

Matius 9:13

Jadi, botula' huatan polajaricam masud doi' pomandiran Allah ni'in: ‘Daripado momposombahan kurbatn bonatakng ko Aku, Aku lobih honda' oca' kaitn mooso salu' ko urakng bukai.’ Obai, Aku datakng kinyo pakai' moningkau sia' inyo moanggap dirinyo bondar. Apo Aku datakng pakai' moningkau boko urakng inyo bodosa oca' sia' moninggalan boko dosa sia'.”

Markus 6:12

Jadi, koduo bolas murid Yesus botula' momboritoan obai urakng gola' moninggalan dosa sia' ongko monyonangan hati Allah.

Lukas 1:16

Io paca'an bulah banya' urakng Israel bobali' pocayo ko Tuhatn Allah siaꞌ.

Lukas 13:3

Pomikiran kaitn nantai kotakng kinyo bondar. Dinga'anbo aman kaitn co tongga' bulah dosa huatan co hidup monyonangan Allah, kaitn tajahan bonaso ubo sia' jam.

Lukas 13:5

Pomikiran kaitn nantai kotakng kinyo bondar. Dinga'anbo aman kaitn co botongga' bulah dosa huatan co hidup monyonangan hati Allah, kaitn tajahan bonaso ubo sia' jam.”

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Kisah Boko Rasul 11:18

Niannam inyo dikisahan Petrus di Yerusalem ko boko urakng Yahudi inyo pocayo. Jadi, sia' tongga'am monyalahan Petrus. Sobali'nyo, sia' momuji Allah. Kato sia', “Wah! Ruponyo, Allah monorima' urakng bukainyo Yahudi jam. Allah udah moonji'i kosompatan ko sia' pakai' sia' botongga' bulah dosa ongko monuruti Sio. Agatn caro nantai, sia' jam ulih mondapat'an hidup inyo somanah-manahnyo di sorugo.”

Kisah Boko Rasul 15:19

“Jadi, Boko somadikan, udah jolas Allah momilih boko urakng doi' boko banso bukai Yahudi huatan sia' udah datakng ko Allah. Obai nantai monurut pondapatku, jangan kito monambah bobatn ko sia'.

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Kisah Boko Rasul 26:17

Aku paca'an monyolamant'an kolai doi' boko urakng inyo molawatn kolai, boi' doi' urakng Yahudi honda' pan urakng inyo bukai Yahudi. Aku moutus kolai ko sia'.

Kisah Boko Rasul 26:19

Obai nantai, Habakngku Agripa, aku kotakan monaati porintah inyo Yesus onju' ko aku dalapm poniant'an doi' sorugo.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Kisah Boko Rasul 9:35

Somuo pondudu' di kota Lida huatan somuo pondudu' doerah Saron moniant obai Eneas udah nyamanam. Lopas nantai, sia' botongga' bulah dosa huatan pocayo ko Tuhatn Yesus.

Roma 2:4

Allah kotakan boi' huatan sabar ko kaitn. Sio kinyo lansukng mohukupm kaitn. Jangan moanggap koboi'an-Nyo nantai kinyo borogo? Kaitn gola' mongoroti obai Allah monunju'an koboi'an-Nyo ko kaitn obai Sio honda' oca' kaitn moninggalan boko dosa kaitn.

2 Korintus 3:16

Apo, aman hati siku' urakng bobali' oca' ado kohonda' monyonangan Tuhatn, jadi ubo koitn ponutup nantai dihilakan.

2 Korintus 7:10

Obai, aman urakng mooso salu' agatn caro inyo Allah kohonda'i, akibatnyo urakng nian moninggalan dosanyo. Jadi, urakng nian disolamant'an. Jadi, io co monyosal obai porasa'an salu' nantai. Apo, aman salu' nantai boasal doi' dunia, moakibat'an komatian.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

1 Tesalonika 1:9

Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

Wahyu 16:11

Sia' mohanyam Allah di sorugo obai kompodihan hontapm boko bongka'. Apo sia' totap kinyo honda' botongga' bulah kojahatan.

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.

Wahyu 2:5

Jadi, ingant cam kotakan jouham kaitn udah jatu'. Tongga'an cam boko dosa kaitn ongko labuhancam la'apo inyo kaitn labuhan sama'an somulonyo. Aman cado, nononyo Aku paca'an datakng ko kaitn lalu monguti' tihakng pompolitoan kaitn doi' tompatnyo.

Wahyu 3:3

Jadi, ingantcam ajaran inyo kaitn dinga' ongko torima' komai. Taat'icam nantai. Tongga'ancam kaitn bulah boko dosa lalu hidup monyonangan hati Allah. Aman kaitn co bojojago, Aku paca'an datakng mohukupm kaitn. Kaitn nononyo co kalo mongotohu'i sombilo watunyo Aku datakng samo sama'an siku' urakng pongolit.