Kisah Boko Rasul 26:13 - Porjanjian Boharu Torjomahan Baso Dilakng Soari-ari

¹³ Apo, dinga' ni'in bo rajoku, pas tongah ari dalapm pojalatan ko kota Damsyik nantai, sopongirap ado cohayo doi' langit. Cohayo nantai lobih torakng doi' matoari. Cohayo nantai momanjah sokolilikngku huatan boko pokawalan inyo bojalatn bosamo agatn aku.

Kisah Boko Rasul 26:13 ပူးပေါင်းရင်းမြစ်များ

Matius 17:2

Lalu sia' tigo moniant bukakng-tubuh huatan pakai'an Yesus borubah. Mato-muhonyo bocohayo sama'an matoari. Pakai'an-Nyo monjadi putih momanjah.

Kisah Boko Rasul 22:6

Apo, dalapm pojalatan aku ko su'utn ado sosuatu inyo tojadi. Watu tongah ari aku udah dampikng kota Damsyik nantai. Sopongirap ado cohayo doi' langit. Cohayo nantai momanjah sokolilikng aku.

Kisah Boko Rasul 22:9

Boko urakng inyo tuyut bosamo agatn aku pan moniant cohayo nantai. Apo kinyo kodinga'an sia' saro inyo bopandir ko aku.

Kisah Boko Rasul 26:12

Nanam alasan aku botula' ko Damsyik. Aku mondapat'an hak doi' boko imam kopala' pakai' mondorako'i boko urakng inyo pocayo agatn Yesus.

Kisah Boko Rasul 26:14

Lansukng koi somuo tokorobah ko tanah. Ongko, aku mondinga' saro urakng inyo bopandir ko aku dalapm baso Ibrani. Kato-Nyo, ‘Saulus, Saulus, botongga'cam kolai mondorako'i Aku! Kolai bayo momodihi diri kolai siku' mo, aman kolai molawatn Allah.’

Kisah Boko Rasul 9:3

Jadi Saulus botula' ko kota Damsyik nantai. Pas io udah dampikng kota nantai, sopongirap ado cohayo doi' sorugo. Cohayo nantai momanjah sokolilikngnyo.

Wahyu 1:16

Longan kanan-Nyo monjujut tujuh bintakng. Sobilah podakng tajapm inyo bomato duo koluar doi' nyao-Nyo. Mato-muho-Nyo bosinar samo sama'an matoari watu tongahari.

Wahyu 21:23

Kota nantai kinyo momontikan matoari damo bulatn pakai' monorakinyo. Obai, cohayo doi' komulia'an Allah monorakinyo. Ana' Domba nantai pan monjadi samo sama'an lampu pakai' kota nantai.