Kisah Boko Rasul 26:12 - Porjanjian Boharu Torjomahan Baso Dilakng Soari-ari

¹² Nanam alasan aku botula' ko Damsyik. Aku mondapat'an hak doi' boko imam kopala' pakai' mondorako'i boko urakng inyo pocayo agatn Yesus.

Kisah Boko Rasul 26:12 ပူးပေါင်းရင်းမြစ်များ

Kisah Boko Rasul 26:10

Jadi pado watu aku bodiapm di Yerusalem, aku molawatn boko urakng inyo pocayo agatn Yesus. Aku dapat hak doi' boko imam kopala' pakai' momansu'an banya' doi' sia' ko dalapm ponjara. Aku kotakan sotuju bondar aman sia' dihukupm mati.

Yohanes 11:57

Watu nantai, boko imam kopala' huatan boko urakng Farisi udah mongoluaran porintah ni'in: Aman ado urakng inyo mongotohu'i di mono Yesus boado, urakng nian gola' molaporannyo agatn sia', oca' sia' ulih monangkap Yesus.

Kisah Boko Rasul 26:13

Apo, dinga' ni'in bo rajoku, pas tongah ari dalapm pojalatan ko kota Damsyik nantai, sopongirap ado cohayo doi' langit. Cohayo nantai lobih torakng doi' matoari. Cohayo nantai momanjah sokolilikngku huatan boko pokawalan inyo bojalatn bosamo agatn aku.

1 Korintus 15:8

Ponsuahannyo toahir, Yesus moniant'an diri Sio ko aku. Aku monjadi rasul di watu inyo songkayo doi' boko rasul bukainyo. Samo sama'an bobia' kocit inyo lahir di watu inyo kinyo topat.